சமீபத்தில் நடைபெற்ற மகளிர் ஒருநாள் உலகக் கோப்பை கிரிக்கெட் தொடரில் இந்தியா மற்றும் தென் ஆப்பிரிக்கா அணிகள் மோதின. இந்த போட்டியில் இந்தியா அணி வெற்றி பெற்று, முதல் முறையாக மகளிர் ஒருநாள் உலகக் கோப்பையை கைப்பற்றியது.
ஹர்மன்பிரீத் கவுர் தலைமையிலான இந்திய அணிக்கு நாடு முழுவதும் பாராட்டுகள் பெருகியுள்ளன. அணியில் விளையாடிய வீராங்கனைகளுக்கு, ஒவ்வொரு மாநில அரசும் பரிசுத்தொகைகளை வழங்கி வருகின்றது.
இந்நிலையில், ஒருநாள் உலகக் கோப்பையில் இந்திய அணியை வழிநடத்திய ஹர்மன்பிரீத் கவுர் சென்னைக்கு வருகை தந்துள்ளார். அவர் பிரபல கல்வி நிறுவனங்களின் அழைப்பை ஏற்றி இன்று சென்னையில் உள்ளார்.
அவருக்கு பிரம்மாண்டமான மேலதாளங்கள் மற்றும் வரவேற்பு வழங்கப்பட்டது. மேலும், ஜூனியர் கிரிக்கெட் வீராங்கனைகள் அவரை நடனமாடி வரவேற்றனர். இதற்கான புகைப்படங்கள் மற்றும் வீடியோக்கள் சமூக வலைதளங்களில் வைரலாகி வருகிறது.

