இது தொடர்பாக அதிமுக ஒருங்கிணைப்பாளர் ஓ.பன்னீர்செல்வம் மற்றும் இணை ஒருங்கிணைப்பாளர் பழனிசாமி கூட்டாக வெளியிட்ட அறிக்கையில் கூறப்பட்டுள்ளதாவது: கொரோனா தொற்றினால் கடும் பாதிப்புக்கு உள்ளாகி இருக்கும் தமிழக மக்களுக்கு மருத்துவ வசதிகளை ஏற்படுத்தித் தரவும், உரிய நிவாரணங்களை வழங்கவும் அதிமுக சார்பில், முதல்வர் பொது நிவாரண நிதிக்கு 1 கோடி ரூபாய் அளிக்கப்படும். மேலும், அதிமுக எம்.பி.,க்கள், எம்எல்ஏ.,க்கள் ஒரு மாத ஊதியமும் பொது நிவாரண நிதிக்கு வழங்கப்படும்.
அதிமுக தொண்டர்கள் தங்கள் பகுதி மக்களுக்கு கொடைக்கரம் விரித்து நீட்டி நம் கொள்கை வழி நின்று மக்களின் துன்பம் துடைத்திட வேண்டும் என அன்புடன் கேட்டுக் கொள்கிறோம். எம்.ஜி.ஆரின் கொள்கை வழி நின்று நிவாரணப் பணிகளில் அக்கறை கொள்ளுங்கள். இவ்வாறு அதில் கூறப்பட்டுள்ளது.
ரஜினி நிதி:
நடிகர் ரஜினிகாந்த் இன்று (மே 17) காலை சென்னை தலைமை செயலகத்தில் முதல்வர் ஸ்டாலினை சந்தித்து கொரோனா நிவாரண பணிகளுக்கு ரூ.50 லட்சம் நிதி வழங்கினார்.
சந்திப்பிற்கு பின்னர் செய்தியாளர்களிடம் ரஜினி கூறுகையில், ‘தமிழக அரசு பிறப்பித்துள்ள கட்டுப்பாடுகளை மக்கள் கட்டாயம் கடைப்பிடிக்க வேண்டும். அப்போது தான் கொரோனாவை ஒழிக்க முடியும் என தமிழக மக்களை கேட்டுக்கொள்கிறேன்,’ என்றார்.
சென்னை: கொரோனா தடுப்பு பணிகளுக்காக அதிமுக சார்பில் முதல்வர் நிவாரண நிதிக்கு ஒரு கோடி ரூபாய் அளிக்கப்படுவதாக அறிவிக்கப்பட்டுள்ளது.
