டொரண்டோ:
கனடா பிரதமர் மார்க் கார்னி இந்தியாவுக்குச் சுற்றுப்பயணம் மேற்கொள்ள உள்ளார். இந்த பயணத்தின் ஒரு பகுதியாக, அவர் இந்தியா உட்பட மொத்தம் மூன்று நாடுகளை பார்வையிட திட்டமிட்டுள்ளார். முதலில், அவரின் பயணம் இந்தியாவுக்காக நடைபெறுகிறது. மும்பை நகருக்கு வருகை தரும் அவர், அங்கு பிரதமர் நரேந்திர மோடியை நேரில் சந்தித்து முக்கிய அரசியல் மற்றும் வர்த்தக விவகாரங்களைப் பேச்சுவார்த்தை செய்வார்.
இந்த சந்திப்பில் இரண்டு நாடுகளுக்கும் இடையேயான பொருளாதார, வர்த்தக உறவுகள் மற்றும் முதலீட்டு வாய்ப்புகள் குறித்து விரிவாக ஆலோசிக்கப்பட்டு, புதிய ஒத்துழைப்பு திட்டங்களை முன்னெடுத்தல் குறித்து விவாதிக்கப்படும். மேலும், மும்பையில் உள்ள முக்கிய தொழிலதிபர்கள், வர்த்தக சங்கங்களுடன் அவர் சந்தித்து இந்தியா–கனடா வணிக உறவுகளை மேலும் வலுப்படுத்த நடவடிக்கைகள் எடுக்க திட்டமிட்டுள்ளார்.
இந்தியாவுக்குப் பின், மார்க் கார்னி ஆஸ்திரேலியா நாட்டுக்கும் பயணம் மேற்கொள்கிறார். அங்கு அவர் கான்பெர்ரா நகரில் உள்ள நாடாளுமன்ற வளாகத்தின் இரு அவைகளிலும் உரையாற்றும் திட்டமிடப்பட்டுள்ளதால், அரசியல் மற்றும் சமூக உறவுகளை மேம்படுத்தும் ஒரு முக்கிய நிகழ்வாக இந்த பயணம் பார்க்கப்படுகிறது. குறிப்பாக, கடந்த 20 ஆண்டுகளில் ஆஸ்திரேலியாவுக்கு கனடா பிரதமர் ஒருவர் மேற்கொள்ளும் முதல் உத்தியோகபூர்வ பயணமாக இதுவாகும், எனவே அது வரலாற்று முக்கியத்துவம் வாய்ந்தது.
மார்க் கார்னியின் இந்த மூன்று நாடுகள் சுற்றுப்பயணம், கனடா–இந்தியா மற்றும் கனடா–ஆஸ்திரேலியா உறவுகளை வலுப்படுத்துவதோடு, உலக அரசியலிலும் வெளிநாட்டு கொள்கைகளிலும் முக்கிய தாக்கத்தை ஏற்படுத்தும் என அரசியல் வட்டங்கள் எதிர்பார்க்கின்றன. பயணத்தின் முழு விவரங்கள் மற்றும் ஏற்பாடுகள் குறித்து அதிகாரப்பூர்வ அறிவிப்புகள் விரைவில் வெளியாகும் எனத் தெறிவு.
