விளையாட்டு பின்னணியில் உருவான ராம் சரண் நடித்துள்ள “பெத்தி” திரைப்படம் உலகளவில் ரசிகர்களின் வரவேற்பை பெற்று பாக்ஸ் ஆபிஸில் வெற்றிகரமாக ஓடி வருகிறது.
திரையரங்குகளில் வெளியாகி வெறும் 9 நாட்களிலேயே, இப்படம் உலகம் முழுவதும் சேர்த்து ரூ.366 கோடிக்கும் மேல் வசூல் செய்து சாதனை படைத்துள்ளது. ரசிகர்களின் நேர்மறையான விமர்சனங்கள் மற்றும் குடும்ப பார்வையாளர்களின் ஆதரவு படத்தின் வசூலை தொடர்ந்து உயர்த்தி வருகிறது.
பிரம்மாண்ட தயாரிப்பு, அதிரடி காட்சிகள், விளையாட்டு உணர்வை பிரதிபலிக்கும் கதை மற்றும் ராம் சரணின் சக்திவாய்ந்த நடிப்பு ஆகியவை படத்திற்கு கூடுதல் பலமாக அமைந்துள்ளன. குறிப்பாக இளைஞர்கள் மத்தியில் படம் நல்ல வரவேற்பை பெற்றுள்ளது.
இந்தியாவைத் தாண்டி வெளிநாடுகளிலும் படம் சிறப்பான வசூலை ஈட்டி வருகிறது. இதனால் விரைவில் ரூ.400 கோடி வசூல் மைல்கல்லை எட்டும் என்ற நம்பிக்கை திரையுலக வட்டாரங்களில் நிலவுகிறது.
தொடர்ந்து ரசிகர்கள் ஆதரவு கிடைத்து வருவதால், இந்த ஆண்டு அதிகம் பேசப்பட்ட வெற்றி படங்களின் பட்டியலில் “பெத்தி” முக்கிய இடத்தை பிடித்துள்ளது.
