மதுரை மாவட்டம் உசிலம்பட்டியைச் சேர்ந்த பாரதிதாசன் ராமன், மலேசியாவின் Universiti Kebangsaan Malaysia-வில் Tissue Engineering & Regenerative Medicine துறையில் PhD மேற்கொண்டு வருகிறார். தமிழக அரசின் அண்ணல் அம்பேத்கர் அயலக உயர்கல்வி உதவித்தொகை திட்டத்தின் பயனாளியான அவர், இரண்டாம் ஆண்டு கல்வி மற்றும் ஆராய்ச்சி செலவுக்கான தொகை கடந்த சுமார் 6 மாதங்களாக விடுவிக்கப்படவில்லை என்று வீடியோ வெளியிட்டு குற்றம்சாட்டியுள்ளார்.
உதவித்தொகை தாமதமானதால் தனது research work பாதிக்கப்பட்டுள்ளதாகவும், university fees செலுத்த முடியாத நிலை ஏற்பட்டுள்ளதாகவும் அவர் தெரிவித்துள்ளார். மேலும் அக்டோபர் 6 அன்று AIIMS Delhi-ல் தனது research paper-ஐ சமர்ப்பிக்க வேண்டிய வாய்ப்பும் பாதிக்கப்படலாம் என்று கூறியுள்ளார்.
ஆனால் தமிழக சமூகநீதித்துறை இந்த குற்றச்சாட்டை மறுத்துள்ளது. பாரதிதாசனுக்கு ஏற்கனவே சுமார் ₹48 லட்சம் வரை நிதி வழங்கப்பட்டுள்ளது என்றும், இரண்டாம் ஆண்டு செலவுக்காக அவர் கோரிய ₹19.50 லட்சம் தொடர்பான expenditure details-ஐ பல்கலைக்கழகம் உறுதிப்படுத்த வேண்டும் என்பதால் verification நடைபெறுகிறது என்றும் அரசு விளக்கம் அளித்துள்ளது.
மேலும், செப்டம்பர் 17 அன்று சம்பந்தப்பட்ட பல்கலைக்கழக பதிவாளருக்கு மின்னஞ்சல் அனுப்பப்பட்டுள்ளதாகவும், பல்கலைக்கழகத்தின் பதில் கிடைத்தவுடன் உதவித்தொகை விடுவிக்கப்படும் என்றும் சமூகநீதித்துறை தெரிவித்துள்ளது.
இதற்கு பதிலளித்த பாரதிதாசன், ஆகஸ்ட் 26-ஆம் தேதியே தனது research expenses தொடர்பான bills மற்றும் documents அனைத்தையும் அனுப்பிவிட்டதாக தெரிவித்துள்ளார். திட்டத்தை தவறாக பயன்படுத்தவில்லை என்றும், தன்னிடம் மீண்டும் மீண்டும் விளக்கம் கேட்பது மனஅழுத்தத்தை ஏற்படுத்துவதாகவும் அவர் கூறியுள்ளார்.
இதனால் தற்போது விவகாரம் “scholarship delay vs document verification” என்ற இரு தரப்புக் கூற்றுகளாக உள்ளது. மாணவர் நிதி தாமதமடைந்ததாக குற்றம்சாட்டுகிறார்; அரசு, தேவையான expenditure verification முடிந்ததும் பணம் வழங்கப்படும் என கூறுகிறது.
