“பிடிஆரின் 20 நிமிட ஆடியோ வெளியிட்டால் மிகப்பெரிய அரசியல் பிரச்சினை ஏற்படும்” – அண்ணாமலை

மதுரை: அமைச்சர் பிடிஆரின் 30 நிமிட ஆடியோவில் 10 நிமிடம் மட்டுமே வெளியானது. மீதமுள்ள 20 நிமிட ஆடியோ வெளியானால் மிகப்பெரிய அரசியல் பிரச்சினை ஏற்படும் என பாஜக முன்னாள் தலைவர் அண்ணாமலை எச்சரிக்கை விடுத்தார்.

மதுரை மத்திய தொகுதியில் புதிய நீதிக்கட்சி வேட்பாளர் சுந்தர்.சி-யை ஆதரித்து அண்ணாமலை பிரச்சாரம் செய்தார். அப்போது பேசிய அவர், திமுக வேட்பாளர் பழனிவேல் தியாகராஜன் மிராசுதாரர், ஜாமீந்தார், முதலாளி போல் இருப்பதாக விமர்சித்தார். அவரது கைத்தடி பொன்.வசந்த், மதுரை முன்னாள் மேயரின் கணவர் என்றார். சொத்துவரி முறைகேடு காரணமாக மேயர் ராஜினாமா செய்ததாகவும், பொன்.வசந்த் பணம் வாங்கி மோசடி செய்ததாகவும் கூறினார்.

அமெரிக்காவைச் சேர்ந்தவனாகவும், இப்போது மதுரைக்காரன் என்று பிடிஆர் பிரச்சாரம் செய்வதாக சாடினார். கடந்த 2 நாட்களாக பிடிஆர் மனம் சமமின்றி ட்விட்டரில் இருப்பதாகவும், பத்திரிகையாளர்களைத் திட்டுவதாகவும், குஷ்புவை வம்பிழிப்பதாகவும் கூறினார். உதயநிதி இன்ஸ்டாகிராமில் இருப்பதாகவும், வீடு வீடாக ஓட்டு கேட்க வேண்டும் எனவும் அறிவுறுத்தினார்.

எந்தக் கேள்விக்கும் அகங்காரமாகப் பதிலளிப்பதாக பிடிஆரை விமர்சித்த அண்ணாமலை, “நான் யார் தெரியுமா? என் அப்பா யார்?” என்பது ஸ்டாலினின் பதிலாக இருப்பதாக சிரித்தார். பிடிஆரின் உதவியாளர்கள் ஜெய்பாலாஜி டெண்டர் முறைகேடு காரணமாக சிறையில் இருப்பதாகவும், இலக்குவன் வெளிநாட்டில் தலைமறைவாக இருப்பதாகவும் கூறி, சுத்தத்தைப் பற்றி பேசுவதாக விமர்சித்தார்.

மீனாட்சியம்மன் கோயில் பாதை சரியில்லை என்று கேட்டால் “நான் யார் தெரியுமா?” என்கிறார் என சாடினார். பழனிவேல் தியாகராஜன் தந்தை நல்லவர், இரு முறை எம்எல்ஏ-வாகத் தேர்ந்தெடுக்கப்பட்டவர் என்றும், இம்முறை மாற்றம் தேவை என்றும் கூறினார்.

மதுரைக்கு மெட்ரோ ரயில் கோரவில்லை, பேருந்துகள் செல்லும் திட்டமே கேட்டதாகவும், அதைப் பழனிசாமி முதல்வரானால் செயல்படுத்துவதாகவும் தெரிவித்தார். மத்திய அரசு கேட்ட விளக்கத்தை 5 மாதமாகத் தராமல் பொய் பிரச்சாரம் செய்வதாகவும் கூறினார்.

பிடிஆர் நிதி அமைச்சராக நன்றாக இருந்தார், ஆனால் தனது ஆடியோவை லீக் செய்ததாக அண்ணாமலை ஒப்புக்கொண்டார். 30 நிமிட ஆடியோவில் 10 நிமிடம் மட்டும் வெளியிட்டேன், மீதி 20 நிமிடம் வெளியானால் பெரிய பிரச்சினை வரும். அதில் திமுகவில் பையன், மருமகன் 30 ஆயிரம் கோடி சம்பாதித்ததாக நண்பரிடம் பேசுகிறார் என்றார்.

மதுரை எய்ம்ஸ் தாமதத்துக்கு திமுக அரசுதான் காரணம், அக்டோபர் 2026-ல் திறக்கப்படும் எனவும், தே.ஜ.கூட்டணி வெற்றி பெறும் எனவும் அழைப்பு விடுத்தார். சுந்தர்.சி-வை வெற்றிப் பெற வைத்து பழைய நீதிக்கட்சி வாரிசைத் தோற்கடிக்க வேண்டும் என்று முடிவுரைத்தார்.