டிட்வா புயல் தாக்கம்: தென் தமிழகத்தில் 100 ஆண்டுகளில் இல்லாத குளிர் – பல மாவட்டங்களில் பகலில் கூட ஓட்டி/கொடைக்கானல் நிலைக்கு சமமான தாழ்ந்த வெப்பநிலை
திருநெல்வேலி மற்றும் தென் தமிழகத்தைச் சேர்ந்த பல மாவட்டங்களில் நேற்று அசாதாரணமான குளிர் பதிவு செய்யப்பட்டு மக்களை அச்சுறுத்தும் வகையில் வானிலை திடீர் சரிவு ஏற்பட்டது. டிட்வா புயலின் விளைவாக தென் மாவட்டங்களில் பகல் நேரத்திலேயே மலைப்பாங்கான பகுதிகளை ஒத்த குளிர் நிலவியது.
🔹 திருநெல்வேலியில் நூற்றாண்டு சாதனை
திருநெல்வேலியில் நேற்று 22°C என 100 ஆண்டுகளில் ஒருமுறையும் பதிவாகாத குறைந்த பகல் வெப்பநிலை பதிவு செய்யப்பட்டது. டிசம்பர்–ஜனவரி மாதங்களிலும் இப்படியான பகல் குளிர் இதற்கு முன் பதிவாகாதது குறிப்பிடத்தக்கது.
🔹 மதுரையில் புதிய வெப்பநிலை சாதனை
மதுரையில் 22.6°C என புதிய சாதனை வெப்பநிலை பதிவானது. இதற்கு முன்பு 2011ல் மட்டும் 24°C தான் குறைந்த அளவாக இருந்தது.
🔹 தூத்துக்குடியில் வரலாற்று சாதனை முறியடிப்பு
தூத்துக்குடியில் நேற்று 20.5°C என பதிவானது. 2004ஆம் ஆண்டு பதிவான 25.5°C சாதனை இதனால் முறியடிக்கப்பட்டது.
🔹 மற்ற முக்கிய மாவட்டங்களின் வெப்பநிலை
கோவில்பட்டி – 21.8°C
தென்காசி – 21°C
திருச்செந்தூர் – 20°C
பாம்பன் – 23°C
கன்னியாகுமரி – 26.6°C
தென் மாவட்டங்கள் முழுவதும் இதுவரை இல்லாத தீவிர குளிர் பதிவாகியுள்ளது. இந்த தாழ்ந்த வெப்பநிலைகளின் பின்னணி குறித்து தன்னார்வ வானிலை ஆய்வாளர் தென்காசி ராஜா தகவல் தெரிவித்துள்ளார்.
