சென்னை: கடந்த இரண்டு நாட்களாக தொடர்ந்து உயர்ந்து வந்த தங்கத்தின் விலை இன்று பவுனுக்கு ரூ.800 குறைந்துள்ளது.
சர்வதேச பொருளாதார நிலவரங்களின் தாக்கம் காரணமாக, இந்தியாவில் தங்கம் விலையில் கடும் ஏற்றத்தாழ்வுகள் காணப்படுகிறது. தங்கம் விலை நவம்பர் 10 அன்று ரூ.1,440 உயர்ந்ததுடன், நவம்பர் 11 அன்று மேலும் ரூ.1,760 உயர்ந்தது.
இதன் மூலம், கடந்த இரண்டு நாட்களில் தங்கம் விலை ரூ.3,200 உயர்ந்தது. இதனால், பவுன் தங்கத்தின் விலை ரூ.93,600 ஆக விற்பனையாகி இருந்தது. ஆனால் இன்று (நவம்பர் 12) 22 காரட் ஆபரணத் தங்கத்தின் விலை பவுனுக்கு ரூ.800 குறைந்துள்ளது.
ஒரு கிராமுக்கு தங்கம் ரூ.100 குறைந்து, ஒரு கிராம் ரூ.11,600க்கு விற்பனை செய்யப்படுகிறது. பவுன் தங்கம் விலை ரூ.800 குறைந்து, ஒரு பவுன் ரூ.92,800க்கு விற்பனை ஆகிறது. அதேவேளையில், வெள்ளி விலை இன்று உயர்ந்துள்ளது; வெள்ளி கிராமுக்கு ரூ.3 அதிகரித்து, ஒரு கிராம் ரூ.173க்கு விற்பனை ஆகிறது.
