மதுரை:
மதுரை மத்திய சட்டமன்றத் தொகுதி வேட்பாளர் அறிமுகக் கூட்டத்தில் பேசிய இயக்குநர் சுந்தர்.சி, தான் வென்றால் மக்களுக்கு கறி விருந்து அளிப்பேன் என்று உறுதி அளித்துள்ளார். வாரத்துக்கு ஆறு நாட்கள் கறி சோறு சாப்பிடும் தன்னை வெளியூர்காரன் என்றும், கோவில் அருகே உள்ள இறைச்சிக்கடைகளை மூடுவேன் என்றும் எதிர்க்கட்சியினர் சொல்வது பொய்யான பிரச்சாரமே என்றும் அவர் விளக்கினார்.
மதுரை மத்திய தொகுதியில் தேசிய ஜனநாயக கூட்டணியில் அனைத்திந்திய அண்ணா திராவிட முன்னேற்றக் கழகத்தின் சார்பில் புதிய நீதிக் கட்சி சார்பில் இரட்டை இலை சின்னத்தில் சுந்தர்.சி போட்டியிடுகிறார். இந்த அறிவிப்பின் போதே சிலர் இவர் தொகுதி மக்களுக்கு அந்நியம்; அமைச்சர் பி.டி.ஆர். பழனிவேல் தியாகராஜனை எதிர்த்து இங்கு யாரும் போட்டியிட முடியாது என்று பேசினார்கள் என்றும், ஆனால் அவர் எம்ஜிஆர் இல்லை; அவர் பி.டி.ஆர்.தான் என்று சுட்டிக்காட்டினார். மதுரை மத்திய பகுதிகளில் மக்கள் எம்எல்ஏ பி.டி.ஆரை பார்த்ததே இல்லை என்று புகார் தெரிவிப்பதாகவும், திமுகவினரின் பில்டிங் சௌகரியமாக இருந்தாலும் அதன் அடித்தளம் வலுவிழந்து விட்டதாகவும் விமர்சித்தார்.
சுந்தர்.சி தொகுதிக்கு வெளியூர்காரன் என்று சொல்லுவது பழமையான நினைப்பு எனவும், தான் மதுரையில்தான் வீடு எடுத்து வைத்திருப்பதாகவும், மாதத்துக்கு 15 நாட்கள் மதுரையில் தங்கி மக்களுடன் நேரடியாக செயல்படுவேன் என்றும் தெரிவித்தார். அதேநேரம் அதிமுக‑திமுக இருசாராரும் தம் சொந்தக் கோட்டை மாவட்டங்களுக்கு வெளியேயே போட்டியிடுவதை நினைவுபடுத்தி, எல்லாக் கட்சிகளுக்கும் ஒரே நியாயம்தான் பொருந்தும் என்ற கருத்தை வலியுறுத்தினார். வெற்றி உறுதிதான் என்று கூறிய அவர், தேர்தல் வெற்றி வாய்ப்பு 100க்கு 200 சதவீதம் இருப்பதாக கலகலக்கும் பாணியில் பேசினார்.
