செங்கோட்டை அரசு வக்கீலாக பணியாற்றி வந்த முத்துக்குமாரசாமி இன்று காலை தென்காசி நடுபாலம் அருகே உள்ள தனது அலுவலகத்துக்கு வந்தார். அவர் அலுவலகத்தில் இருந்தபோது, கத்தி மற்றும் அரிவாளுடன் வந்த மர்ம நபர்கள் குழுவொன்று திடீரென அவர்மீது தாக்குதல் நடத்தியது. அவரை சரமாரியாக வெட்டியதில் முகம், கை, கால் உள்ளிட்ட பல பகுதிகளில் கடும் காயங்கள் ஏற்பட்டன.
அருகிலிருந்தவர்கள் ஓடி வருவதற்குள் தாக்குதலாளர்கள் தப்பிச் சென்று விட்டனர். ரத்த வெள்ளத்தில் சரிந்திருந்த முத்துக்குமாரசாமியை மக்கள் உடனடியாக மீட்டு, சிகிச்சைக்காக தென்காசி அரசு தலைமை மருத்துவமனைக்கு கொண்டு சென்றனர். தீவிர சிகிச்சை அளிக்கப்பட்டும், அவர் உயிரிழந்ததாக மருத்துவர்கள் தெரிவித்துள்ளனர்.
இந்த சம்பவம் தொடர்பாக வழக்குப்பதிவு செய்த தென்காசி போலீசார், தப்பியோடிய மர்மக் கும்பலைத் தேடி வருகின்றனர். அரசு வக்கீல் ஒருவர் வெட்டிக்கொலை செய்யப்பட்டுள்ளதால், தென்காசி பகுதியில் பெரும் பரபரப்பு ஏற்பட்டுள்ளது.
