சென்னை, தவெக தலைவர் விஜய் வெளியிட்ட அறிக்கையில் மத்திய அரசின் தொகுதி மறுசீரமைப்பு மசோதாவை கடுமையாகக் கண்டித்துள்ளார். அரசியலமைப்பு மாற்றத்தின் மூலம் மக்களவை உறுப்பினர்களின் எண்ணிக்கையை தற்போதுள்ள நிலையிலிருந்து எண்ணிக்கையை பெருக்குவதன் மூலம் தென் மாநிலங்களுக்கு பெரும் பாதிப்பு ஏற்படும் என விஜய் எச்சரித்துள்ளார்.
மத்திய அரசு மக்களவையின் உறுப்பினர்களின் எண்ணிக்கையை தற்போதுள்ள நிலையிலிருந்து எண்ணிக்கையை பெருக்குவதை நோக்கமாகக் கொண்டு அரசியலமைப்பு மாற்ற மசோதா, ஆயிரம் எழுபது ஆண்டு ஆறு மூலம் குறிப்பிடத்தக்க மாற்றத்தை முன்மொழிந்துள்ளது. இந்த மசோதா நாளைதொடங்க உள்ள நாடாளுமன்ற சிறப்புக் கூட்டத்தொடரில் விவாதத்திற்கு எடுத்துக்கொள்ளப்பட இருக்கிறது. மகளிருக்கு முப்பத்தி மூன்று சதவீத இட ஒதுக்கீடு வழங்கும் மசோதாவைத் தமிழக வெற்றிக் கழகம் வரவேற்கிறது.
ஆனால் இந்த மசோதா நிறைவேறினால் தென் மாநிலங்களின் பிரதிநிதித்துவம் குறைந்து வட மாநிலங்களின் பிரதிநிதித்துவம் அதிகரிக்கும். மொழி, கலாச்சாரம் மற்றும் மாநில உரிமைகள் சார்ந்த சட்டங்கள் இயற்றுதல், மத்திய அரசின் கொள்கைகள் வகுத்தல் உள்ளிட்டவற்றில் தென் மாநிலங்களின் குரல் அழிந்துவிடும். இது மத்திய அரசின் பாரபட்சமான நடவடிக்கையாகும்.
மத்திய அரசின் அறிவிப்பு ஆண்டாண்டுக் காலம் கடைப்பிடித்த மாநிலங்களுக்கு தண்டனையையும், பின்பற்றாத மாநிலங்களுக்கு வெகுமதியையும் அளிப்பது போன்றது. இந்த மசோதா நிறைவேறினால் நிதிப் பகிர்விலும் பாதிப்பு ஏற்படும். தொகுதி மறுசீரமைப்பு மாநிலங்களுக்கான நிதி ஒதுக்கீட்டைப் பாதிக்கும்.
தமிழ்நாடு போன்ற மாநிலங்கள் ஏற்கெனவே நிதிப் பகிர்வில் இழப்படைந்து வருகின்றன. பட்ஜெட் தாக்கல்களின்போது போதிய நிதி மற்றும் திட்டங்கள் இல்லை. தொகுதி மறுசீரமைப்புக்குப் பின் மக்கள் தொகை அடிப்படையிலான திட்டங்களுக்கான நிதி மேலும் குறையும்.
இப்படி பல்வேறு வகைகளில் தென் மாநிலங்களுக்கு குறிப்பாகத் தமிழ்நாட்டுக்கு பாதிப்புகளை ஏற்படுத்தும் இந்த மசோதாவை கைவிட வேண்டும். தற்போதைய நடைமுறையைத் தொடர வேண்டும் என விஜய் வலியுறுத்தியுள்ளார். தவெகவினர் மத்திய அரசின் இந்த முடிவுக்கு எதிராகக் குரல் கொடுக்க வேண்டும்.
