அமெரிக்கா: வடகிழக்கு மாகாணங்களில் வரலாறு காணாத பனிப்புயல் தாக்கம்
அமெரிக்காவின் வடகிழக்கு பகுதிகளில் வரலாறு காணாத கடும் பனிப்புயல் வீசி வருகிறது. நியூயார்க், நியூ ஜெர்சி, டெலாவேர், மாசசூசெட்ஸ், மேரிலாந்து, கனெக்டிகட், வர்ஜீனியா மற்றும் பென்சில்வேனியா போன்ற முக்கிய மாகாணங்கள் பனிப்புயலால் கடுமையான பாதிப்பை எதிர்கொண்டு வருகின்றன. குறிப்பாக நியூயார்க்கில் கடந்த 150 ஆண்டுகளில் இதுபோன்ற பரிதாபமான பனிப்புயல் தாக்கம் இல்லை என அதிகாரிகள் தெரிவித்துள்ளனர்.
பனிப்புயல் காரணமாக மாநிலங்களில் அவசர நிலை பிரகடனம் அறிவிக்கப்பட்டு, அவசர போக்குவரத்தினை தவிர அனைத்து போக்குவரத்துக்கும் தடை விதிக்கப்பட்டுள்ளது. பல வீடுகளில் மின்சாரம் துண்டிக்கப்பட்டு, மக்கள் வீடுகளில் பனி மண்டலத்தால் முடங்கியுள்ளனர். மக்கள் அவசர தேவைகளுக்கு வெளியே வராமல், வீட்டில் தங்கி பாதுகாப்பாக இருக்க அறிவுறுத்தப்பட்டுள்ளனர்.
பரபரப்பான நகர் பகுதிகளில் போக்குவரத்து முற்றிலும் முடங்கியதால், பொதுமக்கள் தினசரி வாழ்க்கையில் பெரிய சிரமங்களை எதிர்கொண்டுள்ளனர். பள்ளிகள், தொழில்சாலைகள் மற்றும் வணிக நிறுவனங்கள் மூடப்பட்டு உள்ளன. விமான சேவைகள் பெரும்பாலும் ரத்து செய்யப்படுவதால், பயணிகள் விமான நிலையங்களில் சிக்கல்களுக்கு உள்ளாகியுள்ளனர்.
மத்திய, மாநில அரசுகள் மற்றும் அவசர சேவை பிரிவுகள் பகுதிகளில் மீட்பு பணிகளில் ஈடுபட்டு வருகின்றன. சாலைகள் மற்றும் வழித்தடங்களில் பனி அகற்றும் பணிகள் தீவிரமாக நடைபெற்று, அவசர போக்குவரத்திற்கான வழிகளை திறக்கும் முயற்சிகள் மேற்கொள்ளப்படுகின்றன.
இந்த பனிப்புயல் காரணமாக மக்கள், போக்குவரத்து மற்றும் வணிகச் செயற்பாடுகளில் வரவிருக்கும் பாதிப்புகளைத் தடுக்க அதிகாரிகள் தொடர்ந்து எச்சரிக்கைகளை வெளியிட்டு வருகின்றனர். மேலும், பொதுமக்களுக்கு தேவையான உணவு, மருந்து மற்றும் மருத்துவ சேவைகள் இடையறாது வழங்கப்படுமாறு நடவடிக்கைகள் எடுக்கப்பட்டுள்ளன.
