வாக்காளர் பட்டியலில் உங்கள் பெயர் இருக்கிறதா? எப்படி உறுதி செய்வது?
சென்னை:
தமிழக சட்டமன்ற தேர்தலுக்கான வாக்குப்பதிவு நாளை காலை 7 மணி முதல் மாலை 6 மணி வரை நடைபெற உள்ளது. வாக்குச்சாவடிக்கு செல்லும் முன், முதலில் உங்கள் பெயர் வாக்காளர் பட்டியலில் உள்ளதா என்பதை உறுதி செய்வது மிக முக்கியம்.
பெயரை எப்படி சரிபார்ப்பது?
வாக்காளர் அடையாள அட்டை இருந்தாலோ இல்லையோ, கீழ்க்கண்ட வழிகளில் பெயரை சரிபார்க்கலாம்:
- Voter Helpline App மூலம்
- தேர்தல் ஆணைய இணையதளம் மூலம்
- உங்கள் EPIC எண்ணை பயன்படுத்தி ஆன்லைனில் தேடலாம்
பூத் ஸ்லிப் மட்டும் போதாது
தேர்தல் ஆணையம் வழங்கும் வாக்காளர் தகவல் சீட்டு (Booth Slip) என்பது உங்கள் வாக்குச்சாவடியை கண்டறிய மட்டுமே. அது அடையாள ஆவணமாக ஏற்கப்படாது.
அடையாள ஆவணமாக ஏற்கப்படும் 12 ஆவணங்கள்
புகைப்படத்துடன் கூடிய கீழ்க்கண்ட ஆவணங்களில் ஏதேனும் ஒன்றை கொண்டு செல்லலாம்:
- வாக்காளர் அடையாள அட்டை
- ஆதார் அட்டை
- ஓட்டுநர் உரிமம்
- PAN கார்டு
- பாஸ்போர்ட்
- வங்கி / அஞ்சலக கணக்கு புத்தகம்
- வேலை உறுதி திட்ட அடையாள அட்டை
- மருத்துவ காப்பீட்டு அட்டை / ஆயுஷ்மான் பாரத் அட்டை
- ஓய்வூதிய ஆவணம்
- அரசு / பொதுத்துறை பணியாளர் அடையாள அட்டை
- எம்.பி / எம்.எல்.ஏ அடையாள அட்டை
- மாற்றுத்திறனாளர் அடையாள அட்டை
முக்கிய அறிவிப்பு
ஒரு அடையாள அட்டை வைத்திருப்பதால் மட்டும் வாக்களிக்க முடியாது. உங்கள் பெயர் வாக்காளர் பட்டியலில் இருந்தால்தான் வாக்களிக்க அனுமதி வழங்கப்படும்.
வெளிநாடு வாழ் இந்தியர்கள்
வெளிநாடு வாழ் இந்தியர்கள் (NRI voters) அசல் பாஸ்போர்ட் மூலம் மட்டுமே அடையாளத்தை உறுதி செய்து வாக்களிக்க முடியும்.
வாக்காளர்களுக்கு அறிவுரை
வாக்குச்சாவடிக்கு செல்லும் முன்:
✔ பெயர் பட்டியலில் உள்ளதா சரிபார்க்கவும்
✔ சரியான அடையாள ஆவணம் எடுத்துச் செல்லவும்
✔ முன்கூட்டியே வாக்குச்சாவடி எண் தெரிந்து கொள்ளவும்
