சென்னை: விஜய்யை சந்திக்கும் அதிமுக எம்எல்ஏக்கள் – சபாநாயகர் வரை நீண்ட பயணம்!
தமிழக முதல்வராக தமிழக வெற்றிக் கழகத்தின் (தவெக) தலைவர் விஜய் பொறுப்பேற்றுள்ளார். நேற்று சட்டசபை கூடியது. எம்எல்ஏக்கள் பதவியேற்றனர். நேற்றே சபாநாயகர், துணை சபாநாயகர் தேர்தல் நடைபெற்றது. போட்டியின்றி ஜேசிடி பிரபாகர், ரவிசங்கர் ஆகியோர் தேர்வானார்கள். இன்று பொறுப்பேற்கும் வைபவமும் நடைபெற்றது.
சென்னை ஆயிரம் விளக்கு தொகுதி எம்எல்ஏ ஜேசிடி பிரபாகர் சபாநாயகராகவும், திருச்சி துறையூர் எம்எல்ஏ ரவிசங்கர் துணை சபாநாயகராகவும் பொறுப்பேற்றனர். அதிரடியாக போட்டியின்றி தேர்வான ஜேசிடி பிரபாகரை, எதிர்க்கட்சி தலைவர் உதயநிதி ஸ்டாலின், சபை முன்னவர் செங்கோட்டையன் ஆகியோர் கைப்பிடித்து அழைத்து சபாநா�கர் இருக்கையில் அமர வைத்தனர்.
அதன் பிறகு முதல்வர் விஜய், எதிர்க்கட்சி தலைவர் உதயநிதி ஸ்டாலின், அதிமுக பொதுச் செயலாளர் எடப்பாடி பழனிச்சாமி உள்பட ஒவ்வொரு கட்சிகளின் எம்எல்ஏக்களும் சபாநாயகருக்கு வாழ்த்து தெரிவித்தனர். சட்டசபை அலுவல் இதனுடன் முடிந்தது.
இந்த நிலவரத்தில், விஜய்யை சந்திக்கும் அரசியல் நகர்வுகள் தொடர்கின்றன. அதிமுகவில் பிளவு ஏற்பட்டுள்ளது. எடப்பாடி பழனிச்சாமி தலைமையில் ஒரு அணியும், சி.வி.சண்முகம் தலைமையில் ஒரு அணியும் செயல்பட்டு வருகிறது. சண்முகம் அணியைச் சேர்ந்த 24 எம்எல்ஏக்கள் தவெகவுக்கு ஆதரவு அளிக்கும் முடிவை எடுத்துள்ளனர். சட்டமன்றக் குழு தலைவராக எஸ்.பி.வேலுமணியை நியமிப்பது தொடர்பாகவும் வலியுறுத்தினர்.
இந்தப் பின்னணியில் சபாநாயகர் ஜேசிடி பிரபாகரை சண்முகம் தலைமையிலான அதிமுக எம்எல்ஏக்கள் சந்தித்தனர். அதன் பிறகு முதல்வர் விஜயையும் இவர்கள் நேரில் சந்திக்க வாய்ப்புள்ளது. இது சில மணிநேரங்களில் நடைபெறும் என தகவல்கள் தெரிவிக்கின்றன. அதிமுகவில் பெரும்பான்மை எம்எல்ஏ ஆதரவு இருப்பதாக சண்முகம் அணி வலியுறுத்துவதால், ஆளும் அரசுக்கு ஆதரவு தெரிவிக்கும் வகையில் இந்த சந்திப்பு நடைபெறும் என எதிர்பார்க்கப்படுகிறது.
இது தவெக அரசின் நம்பிக்கை வாக்கு எதிர்காலத்தை தீர்மானிக்கும் சந்திப்பாக மாற்றும். அதிமுக உள்க்கட்சி பிரச்சினையும் இதற்கு முற்றுப்புள்ளி வைக்கப்படலாம் என அரசியல் வட்டாரங்கள் கருதுகின்றன.
