தேர்தல்: ஓட்டு போட உங்க நிறுவனத்தில் லீவ் தரவில்லையா? உடனே புகார் அளிக்கலாம்… எப்படி?

சென்னை:

தமிழக சட்டமன்றத் தேர்தல் வாக்குப்பதிவு நடைபெறும் நாளில் ஊழியர்களுக்கு சம்பளத்துடன் விடுமுறை அளிக்க தவறும் நிறுவனங்கள் மீது கடுமையான நடவடிக்கை எடுக்கப்படும் என தொழிலாளர்துறை தெரிவித்துள்ளது. இது தொடர்பாக புகார்கள் செய்ய மாநில அளவிலும், மாவட்ட அளவிலும் கட்டுப்பாட்டு அறைகள் அமைக்கப்பட்டுள்ளன.

தமிழகச் சட்டமன்றத் தேர்தலில் வாக்குப்பதிவு ஏப்ரல் 23 ஆம் தேதி நடைபெற உள்ளது. இந்த நாளில் அரசு ஊழியர்கள், பாதுகாப்புப் படையினர் உள்ளிட்ட அத்தியாவசிய சேவையில் உள்ளோர் தங்களது தபால் வாக்குச்சீட்டுகளை மின்னணு முறையில் அனுப்பும் ETPBMS நடைமுறை அமல்படுத்தப்பட்டுள்ளது.

மக்கள் பிரதிநிதித்துவ சட்டத்தின்படி, அனைத்து தொழிற்சாலைகள், கடைகள், கட்டுமான நிறுவனங்கள், உணவகங்கள், வணிக நிறுவனங்கள் உள்ளிட்ட இடங்களில் பணியாற்றும் தொழிலாளர்களுக்கு தேர்தல் நாளன்று சம்பளத்துடன் கூடிய விடுமுறை (paid holiday) அளிக்க கட்டாயமாகும். இதற்கு மாற்றாக சம்பளம் அளிக்க மறுத்தால் அல்லது விடுமுறை அளிக்கத் தவறினால் அந்த நிறுவனங்கள் மீது தொழிலாளர் சட்டத்தின் கீழ் குற்றவியல் நடவடிக்கை எடுக்கப்படும்.

தொழிலாளர்கள் யாரும் தேர்தல் நாளில் வாக்களிக்கும் வாய்ப்பை இழக்கக் கூடாது என்பதற்காக, அனைத்து தொழிற்சாலை உரிமையாளர்கள், வணிக நிறுவனங்கள் ஆகியவை தங்கள் ஊழியர்களுக்கு கட்டாயமாக ஊதியத்துடன் கூடிய விடுமுறை அளிக்க வேண்டும். இது தொழிலதிபர்களின் சட்டப்பூர்வக் கடமையாகும். தேர்தல் ஆணைய விதிகள் படி, இந்த கட்டாயத்தை மீறும் நிறுவனங்கள் மீது உரிய நடவடிக்கை எடுக்கப்படும்.

புகார்கள் தெரிவிக்க விரும்புவோர், தங்கள் மாவட்டத்தில் அமைக்கப்பட்டுள்ள தொழிலாளர் கட்டுப்பாட்டு அறையை தொடர்பு கொண்டு புகார் அனுப்பலாம்.

• கோவை:
  0422-2241136, 82206 13777, 95008 97708, 98433 71977

• சென்னை:
  1800-425-7012 (கட்டணமின்றி – Toll Free)

• தேர்தல் பொதுப் பார்வையாளர் கள் (சென்னை தொகுதிகள்):

  • ஆர்.கே.நகர், பெரம்பூர்: 89258 15411

  • கொளத்தூர், வில்லிவாக்கம்: 89258 15413

  • திரு.வி.க.நகர், எழும்பூர்: 89258 15415

  • ராயபுரம், துறைமுகம்: 89258 15417

  • சேப்பாக்கம் – திருவல்லிக்கேணி, ஆயிரம் விளக்கு: 89258 15419

  • அண்ணாநகர், விருகம்பாக்கம்: 89258 15421

  • சைதாப்பேட்டை, தியாகராய நகர்: 89258 15423

  • மயிலாப்பூர், வேளச்சேரி: 89258 15425

• திருப்பூர்:

  • உதவி கமிஷனர் காயத்திரி: 94430 21877

  • துணை ஆய்வாளர் பேச்சிமுத்து: 99442 58037

  • உடுமலை முத்திரை ஆய்வாளர் சதீஷ்கண்ணன்: 99521 42578

• விருதுநகர், சிவகாசி:
  04562-294067, 04562-294068, 04562-294069

• கட்டணமில்லாத எண் (Toll Free):
  1800 425 2166

இந்த எண்கள் மற்றும் தொடர்பு வழிகள் மூலம் தேர்தல் நாளில் விடுமுறை அளிக்க மறுக்கும் எந்த தொழிற்சாலை அல்லது நிறுவனத்தை பற்றியும் உடனடியாக புகார் அளிக்கலாம்.