ஹைதராபாத்:
இயக்குநர் பிரசாந்த் வர்மா இயக்கத்தில் உருவான ‘ஹனுமான்’ திரைப்படம் கடந்த ஆண்டு பொங்கலை முன்னிட்டு வெளியானது. தேஜா சஜ்ஜா நாயகனாகவும், அமிர்தா ஐயர் நாயகியாகவும் நடித்த இந்த படம், வெளியானவுடன் ரசிகர்களிடையே பெரும் வரவேற்பை பெற்றது. அதிரடி, கற்பனை, பக்தி ஆகிய மூன்றையும் இணைத்து உருவாக்கப்பட்ட இப்படம், தெலுங்கு திரையுலகில் புதிய திருப்பமாக அமைந்தது.
‘ஹனுமான்’ படத்தில் வரலட்சுமி சரத்குமார், வினய் ராய், கெட்டப் சீனு, ராஜ் தீபக் ஷெட்டி உள்ளிட்ட பலர் முக்கிய கதாபாத்திரங்களில் நடித்திருந்தனர். அதிரடி காட்சிகளும், பின்னணிச் இசையும், காட்சியமைப்புகளும் படத்திற்கு சிறப்பூட்டின. குறிப்பாக, ஹனுமான் தெய்வத்தின் ஆற்றலை நவீன கதை சொல்லும் முறையில் வடிவமைத்திருந்தது பார்வையாளர்களை பெரிதும் கவர்ந்தது.
இப்படம் வசூலிலும் விமர்சனத்திலும் வெற்றி பெற்றதையடுத்து, இயக்குநர் பிரசாந்த் வர்மா தனது அடுத்த படைப்பாக ‘ஜெய் ஹனுமான்’ எனும் தொடர்ச்சித் திரைப்படத்தை அறிவித்துள்ளார். இதில், ‘கண்டாரா’ புகழ் ரிஷப் ஷெட்டி முக்கிய கதாபாத்திரத்தில் நடிக்கவுள்ளார். இந்த இணைப்பு தென்னிந்திய திரையுலகில் பெரும் எதிர்பார்ப்பை உருவாக்கியுள்ளது.
‘ஜெய் ஹனுமான்’ திரைப்படம் பான்-இந்தியா அளவில் மிகுந்த பட்ஜெட்டில் உருவாக உள்ளது. இதனை பிரபல இசை மற்றும் திரைப்பட நிறுவனம் டி-சீரிஸ் வழங்க, மைத்ரி மூவி மேக்கர்ஸ் நிறுவனம் இணைந்து தயாரிக்கிறது. படத்தின் முதல் கட்டப்பணிகள் தொடங்கியுள்ள நிலையில், இது பிரசாந்த் வர்மாவின் ‘சினிமாடிக் யூனிவர்ஸ்’ எனப்படும் தொடர் உலகின் அடுத்த அத்தியாயமாக கருதப்படுகிறது.
ரிஷப் ஷெட்டியின் ஆழமான நடிப்பு, பிரசாந்த் வர்மாவின் கற்பனை திறன் மற்றும் பெரும் தொழில்நுட்ப அணியின் பங்களிப்பு ஆகியவற்றால், ‘ஜெய் ஹனுமான்’ திரைப்படம் இந்திய சினிமாவில் அடுத்த பெரிய மைல்கல்லாக அமைவுள்ளது என எதிர்பார்க்கப்படுகிறது.
