வங்கக் கடலில் உருவான டிட்வா புயல் இலங்கையில் பெரும் நெருக்கடிகளை உருவாக்கியுள்ளது. கடந்த ஒரு வாரத்தில் வெள்ளம் மற்றும் நிலச்சரிவுகளால் 369 பேர் உயிரிழந்துள்ளனர். பல நூற்றுக்கணக்கானோர் காணாமல் போயுள்ளனர், மேலும் 1.50 லட்சத்துக்கும் மேற்பட்ட மக்கள் பாதுகாப்பான இடங்களுக்கு மாற்றப்பட்டுள்ளனர். இது கடந்த 20 ஆண்டுகளில் இலங்கையை தாக்கிய மிக மோசமான இயற்கை பேரிடர் எனக் கூறப்படுகிறது.
இலங்கை அதிபர் அனுர குமார திசநாயகே, தேசிய அவசர நிலையை பிரகடனம் செய்துள்ளார். பாதிக்கப்பட்ட மக்களுக்கு உதவ நமது நாட்டின் சார்பில் மத்திய அரசு நிவாரணப் பொருட்கள் மற்றும் மீட்புப் படையினரை அனுப்பியுள்ளது.
இதைத் தொடர்ந்து பாகிஸ்தானும் இலங்கைக்கு நிவாரணப் பொருட்கள் அனுப்பியுள்ளது. ஆனால், பாகிஸ்தான் தூதரகம் சமூக ஊடகத்தில் வெளியிட்ட புகைப்படங்களைப் பார்த்த நெட்டிசன்கள் அதில் உள்ள பொருட்கள் 2024 அக்டோபர் மாதத்தில் காலாவதியானவை என கண்டுபிடித்தனர்.
சமூக வலைதளங்களில் இது பெரும் சர்ச்சையைக் கிளப்பியுள்ளது. நெட்டிசன்கள், வெள்ளத்தால் தத்தளிக்கும் மக்களுக்கு காலாவதியான நிவாரணப் பொருட்களை அனுப்பிய பாகிஸ்தான் தனது ஒப்பந்தச் சகோதரத்தன்மையை மதிக்கவில்லை என்றும், அவமானப்படுத்தியுள்ளது என்றும் விமர்சித்து வருகின்றனர்.
இந்தச் சம்பவம், இயற்கை பேரிடர் காலங்களில் சரியான, காலாவதியில்லா நிவாரணப் பொருட்கள் அனுப்புவதன் முக்கியத்துவத்தை மீண்டும் எடுத்துரைக்கிறது.
