வாக்களிக்கும் போது செல்பி எடுத்தால் 3 மாதம் சிறை... தேர்தல் ஆணையம் எச்சரிக்கை

சென்னை:
வாக்குச்சாவடிக்குள் வாக்களிக்கும் போது செல்பி எடுப்பது அல்லது யாருக்கு வாக்களித்தோம் என்பதை படம், வீடியோவாக பதிவு செய்வது சட்டவிரோதம் என தேர்தல் ஆணையம் எச்சரிக்கை விடுத்துள்ளது.

தற்போதைய சமூக ஊடக காலத்தில், குறிப்பாக இளைஞர்கள் மற்றும் முதல்முறை வாக்காளர்கள் வாக்களிக்கும் தருணத்தை பதிவு செய்து சமூக வலைதளங்களில் பகிரும் போக்கு அதிகரித்துள்ளது. ஆனால், மின்னணு வாக்குப்பதிவு இயந்திரத்தில் வாக்களிக்கும் தருணத்தை படம் பிடிப்பது 1951 மக்கள் பிரதிநிதித்துவச் சட்டம் பிரிவு 128ன் படி குற்றமாகும்.

என்ன தண்டனை?

வாக்குப்பதிவு ரகசியத்தை மீறுவோருக்கு:

• 3 மாதங்கள் வரை சிறைத் தண்டனை
• அபராதம்
• அல்லது இரண்டும் சேர்த்து விதிக்கலாம்

மேலும், விதிமுறைகளை மீறுபவர்களை எதிர்கால தேர்தல்களில் வாக்களிக்க தகுதி நீக்கம் செய்யும் அதிகாரமும் தேர்தல் ஆணையத்திற்கு உள்ளது.

மொபைல், ஸ்மார்ட் வாட்ச் வேண்டாம்

வாக்குச்சாவடிக்குள் மொபைல் போன், கேமரா, ஸ்மார்ட் வாட்ச் போன்ற சாதனங்களை கொண்டு செல்ல வேண்டாம் என அறிவுறுத்தப்பட்டுள்ளது.

மை காட்டி செல்பி எடுக்கலாம்

வாக்கு பதிவு செய்த பின், விரலில் வைக்கப்படும் மையை காட்டி புகைப்படம் எடுக்க விரும்புவோர், வாக்குச்சாவடிக்கு வெளியே வந்து எடுத்துக்கொள்ளலாம் என தெரிவிக்கப்பட்டுள்ளது.