மலையாள நடிகை ரஜிஷா விஜயன் நடிப்பில் உருவாகியுள்ள ‘மஸ்திஸ்கா மரணம்’ திரைப்படத்தின் டீசர் வெளியிடப்பட்டு, அதில் அவர் எடுத்திருக்கும் புதிய கெலாமர் அவதாரம் ரசிகர்களிடம் பெரும் கவனத்தை ஈர்த்து வருகிறது.
தமிழ் சினிமாவில் மாரி செல்வராஜ் இயக்கத்தில் வெளியான தனுஷ் நடிப்பு ‘கர்ணன்’ திரைப்படத்தின் மூலம் ரஜிஷா விஜயன் தமிழ் ரசிகர்கள் மத்தியில் வலுவான இடம் பிடித்தார். அந்தப் படத்தில் அவர் வெளிப்படுத்திய இயல்பான நடிப்பு, கிராமத்து பெண்ணின் உணர்ச்சி உலகத்தை நம்பகமாகச் சித்தரித்தது என்பதால், விமர்சகர்களும், பொதுமக்களும் அவரை பெரிதும் பாராட்டினர். பின்னர், மீண்டும் மாரி செல்வராஜ் இயக்கத்தில் கடந்த ஆண்டுக் தீபாவளிக்கு வெளியான ‘பைசன்’ திரைப்படத்தில் துருவ் விக்ரமுக்கு அக்காவாகவும், நடிகர் பசுபதிக்குப் மகளாகவும் ரஜிஷா நடித்தார். குடும்பக் கதாபாத்திரத்தில், கட்டுப்பாட்டும், உணர்ச்சிச் செறிவும் கலந்த அவரது நடிப்பு அந்தப் படத்துக்கும் சிறப்புக் கூட்டியது.
இந்நிலையில், மலையாள இயக்குனர் கிரிஷாந்த் இயக்கத்தில் உருவாகியுள்ள ‘மஸ்திஸ்கா மரணம்’ திரைப்படத்தில் ரஜிஷா விஜயன் முக்கிய கதாபாத்திரத்தில் நடித்துள்ளார். இந்தப் படத்தின் தனித்துவமான தலைப்பு, திரைக்கதையின் மனஉளவியல் பக்கங்களைத் தொட்டிருக்கும் என தகவல்கள் வெளியாகி, மலையாள திரையுலகில் ஏற்கனவே ஆர்வத்தை ஏற்படுத்தி வந்தது. இப்படத்தில் இடம்பெற்றுள்ள ‘கோமல தாமரா’ என்ற ஐட்டம் பாடல் தற்போது பேசுபொருளாக மாறியுள்ளது.
பொதுவாக கதைக்களம் மையமாக உள்ள இயல்பான வேடங்களைத் தான் இதுவரை அதிகமாகத் தேர்வு செய்து வந்த ரஜிஷா விஜயன், இந்தப் பாடலில் முற்றிலும் மாறுபட்ட தோற்றத்தில் கவர்ச்சியான குத்தாட்டம் ஆடியுள்ளார். வண்ணமயமான நடன அமைப்புகள், பிரகாசமான உடைத் தேர்வு, கமெரா கோணங்கள் ஆகியவை அவரின் இந்த புதிய லுக்-ஐ இன்னும் வலுப்படுத்தும் வகையில் அமைந்துள்ளன. அவரை இதுபோல் கெலாமராக பார்க்கும் அனுபவம் ரசிகர்களுக்கு புதிதானது என்பதால், சமூக வலைதளங்களில் பாடல் ஸ்டில்கள், டீசர் காட்சிகள் வேகமாக பகிரப்பட்டு வருகின்றன.
சமீபத்தில் வெளியிடப்பட்ட இப்படத்தின் அதிகாரப்பூர்வ டீசரில் ‘கோமல தாமரா’ பாடலின் சில காட்சிகளும் இடம்பெற்றுள்ளன. டீசரில் ரஜிஷா தோன்றும் காட்சிகள், அவரது நடனச் சைகைகள், கண், கை அசைவுகளின் மூலம் வெளிப்படும் கவர்ச்சி ஆகியவை, அவர் எடுத்திருக்கும் இந்த புதிய முயற்சியை தெளிவாகக் காட்டுகின்றன. இதுவரை ஒரு ‘பெர்ஃபார்மென்ஸ் ஓரியண்டெட்’ நடிகையாகவே பாராட்டப்பட்ட ரஜிஷா, தற்போது கமெர்ஷியல் நோக்கிலும் தன்னை மாற்றிக் கொண்டு வர முயல்வது போல இந்த டீசர் மூலம் தெரிகிறது.
ரஜிஷா விஜயன் ரசிகர்கள் சிலர், “கதாபாத்திரம் மையமான ரோல்களிலேயே அவளைப் பார்க்க விரும்புகிறோம்” என்று கருத்து தெரிவிக்க, மற்றொருபுறம் “ஒரு நடிகை பலவிதமான வேடங்களில் தன்னை நிரூபித்து கொள்வது நல்ல மாற்றம்” என்று சமூக வலைதளங்களில் பாராட்டுகளும் எழுந்து வருகின்றன. இந்த விவாதங்களை அனைத்தையும் தாண்டி, இப்படத்துக்கான ஆரம்ப பஸ் டீசர் வெளியீட்டின் மூலமே உருவாகி இருப்பது குறிப்பிடத்தக்கது.
இப்படத்தின் படக்குழுவினர், டீசரை வெளியிடும் போது, ரஜிஷாவின் பாத்திரம் படத்தின் மொத்த கதைக்குத் திருப்புமுனையாக இருக்கும் என குறிப்பிட்டுள்ளனர். டீசர் வெளியாகியுள்ள நிலையில், ‘மஸ்திஸ்கா மரணம்’ படத்தின் ட்ரெய்லர் மற்றும் வெளியீட்டு தேதியை எதிர்பார்த்து ரசிகர்கள் காத்திருக்கின்றனர். மலையாளத்தில் அவருக்கான ரசிகர்கள் வட்டாரத்தோடு, தமிழ் ரசிகர்களும் இந்தப் படத்தின் வெளியீட்டை ஆவலுடன் எதிர்நோக்கி வருவது குறிப்பிடத்தக்கது.
