கடலூர்:
கடலூர் மாவட்டம் நெய்வேலியில் செயல்பட்டு வரும் மத்திய அரசு நிறுவனமான என்.எல்.சி. இந்தியா லிமிட்டெட் (NLC India Limited) நிறுவனம், 2026 ஆம் ஆண்டுக்கான தொழிற்பயிற்சி பணியிடங்களுக்கான அறிவிப்பை வெளியிட்டுள்ளது.
இந்த அறிவிப்பின் படி, மொத்தம் 607 காலிப்பணியிடங்களுக்கு தகுதியானவர்களிடமிருந்து விண்ணப்பங்கள் வரவேற்கப்படுகின்றன. பிட்டர், டர்னர், மெக்கானிக், எலெக்ட்ரிஷியன், வையர்மேன், பிளம்பர், ஸ்னோகிராப்பர் போன்ற தொழிற்துறைகளில் பணியிடங்கள் காலியாக உள்ளன.
தொழிற்பயிற்சி (ITI) முடித்த இளைஞர்களுக்கான இப்பணியிடங்கள், ஒப்பந்த அடிப்படையில் வழங்கப்படுகின்றன. தேர்ந்தெடுக்கப்படும் விண்ணப்பதாரர்கள் நெய்வேலி, கடலூர் மற்றும் அருகிலுள்ள தொழிற்சாலைகளில் பயிற்சிக்கு அமர்த்தப்படுவார்கள். பயிற்சி காலம் முழுவதும் மாதாந்திர ஊதியம் மற்றும் அரசின் தொழில்நுட்பக் கல்வி விதிமுறைகளுக்கு ஏற்ப பலன்களும் வழங்கப்படும்.
தகுதி வாய்ந்த விண்ணப்பதாரர்கள், அங்கீகரிக்கப்பட்ட தொழிற்பயிற்சி நிலையங்களில் (ITI) சம்பந்தப்பட்ட துறையில் பயிற்சி பெற்றிருக்க வேண்டும். வயது வரம்பு மற்றும் தகுதி தொடர்பான முழுமையான விவரங்கள் நிறுவனம் வெளியிட்டுள்ள அதிகாரப்பூர்வ அறிவிப்பில் குறிப்பிடப்பட்டுள்ளன.
விண்ணப்பங்கள் ஆன்லைன் மூலம் பெறப்படுகின்றன. விண்ணப்பிக்கும் கடைசி தேதி, ஆவணங்கள் சமர்ப்பிக்கும் முறை, தேர்வு செயல்முறை போன்ற விவரங்கள் நிறுவனத்தின் அதிகாரப்பூர்வ இணையதளமான www.nlcindia.in மூலம் அறிந்துகொள்ளலாம்.
மத்திய அரசு நிறுவனத்தில் வேலை பெற விரும்பும் இளைஞர்களுக்கு இது ஒரு சிறந்த வாய்ப்பு என நெய்வேலி தொழிற்சாலைக் வட்டாரங்கள் தெரிவித்துள்ளன.
