2026 டி20 உலகக்கோப்பைக்காக அபிஷேக், சஞ்சு, இஷான் கிஷன் மீது பிசிசிஐ கவனம்

2026 டி20 உலகக்கோப்பைக்கான இந்திய அணியின் அதிரடி திட்டம் – கில்லுக்கு பதிலாக அபிஷேக், சஞ்சு, இஷான்

மும்பை: 2026 டி20 உலகக்கோப்பை இந்தியாவில் நடைபெற உள்ளது. இதற்காக இந்திய அணி நிர்வாகம் ஒரு அதிரடி திட்டத்தை தீட்டியுள்ளது. அந்த திட்டத்தின் முக்கிய அம்சமாக, துணை கேப்டனாக இருந்த சுப்மன் கில்லை அணியிலிருந்து நீக்கியுள்ளது பிசிசிஐ. கில் நீக்கப்பட்டதற்கான பல காரணங்கள் சொல்லப்பட்டாலும், உண்மையான காரணம் பவர்-பிளே திட்டமே என தெரிவிக்கப்படுகிறது.

இந்தியாவில் நடைபெறும் உலகக்கோப்பில் மைதானங்கள் போட்டி செல்ல செல்ல மந்தமாக மாற வாய்ப்புள்ளது. அப்படிப்பட்ட சூழலில், மிடில் ஓவர்களில் ரன் குவிப்பது கடினம். எனவே, முதல் 6 ஓவர்களான பவர்-பிளேயில் அதிக ரன்களை குவித்து, எதிரணி பவுலர்களைத் துவம்சம் செய்வதே முக்கியம்.

சுப்மன் கில் திறமையான பேட்ஸ்மேன் என்றாலும், பவர்-பிளேயில் காட்டுத்தனமாக அடித்து ஆடும் வேகம் அவரிடம் குறைவாக உள்ளது. இதற்குப் பதிலாக அபிஷேக் சர்மா, சஞ்சு சாம்சன், இஷான் கிஷன் ஆகியோர் அதிரடி ஆட்டம் காட்டக்கூடியவர்கள் என தேர்வாளர்கள் நம்புகின்றனர்.

மூன்று பேர் – ஒரே இலக்கு:

• அபிஷேக் சர்மா முதல் பந்திலிருந்தே சிக்ஸர் அடிக்கும் திறன் கொண்டவர்.

• சஞ்சு சாம்சன், பிட்ச்சை புரிந்து கொண்டதும், அதிரடியை வெளிப்படுத்தும் ஆட்டக்காரர்.

• இஷான் கிஷன் இடது கை ஆட்டக்காரர்; பவர்-பிளேயில் அசுர வேகத்தில் ரன் குவிக்கும் திறன் உடையவர்.

இந்த மூவரின் அதிரடி ஆட்டம், கில்லின் பாணியை விட பல மடங்கு அதிகம் என தேர்வாளர்கள் கருதுகின்றனர். மந்தமான பிட்சில் வெற்றி பெற, துவக்கத்தில் அதிரடி தேவை என்பதால் கில்லை தியாகம் செய்து, இந்த மூவரையும் பிசிசிஐ தேர்வு செய்துள்ளது.

மேலும், ஃபினிஷிங் வீரராக ஹர்திக் பாண்டியாவை மட்டுமே நம்ப முடியாது. அவருக்கு மாற்றாக இடது கை அதிரடி வீரர் தேவை என்பதால் ரிங்கு சிங் மீண்டும் அணியில் அழைக்கப்பட்டுள்ளார்.

அகர்கர் விளக்கம்: தேர்வுக்குழுத் தலைவர் அஜித் அகர்கர், பத்திரிகையாளர் சந்திப்பில், “கில்லின் திறமை மீது சந்தேகம் இல்லை. ஆனால் அணியின் ‘காம்பினேஷன்’ தான் முக்கியம். 15 பேரை எடுக்கும்போது யாராவது ஒருவர் வெளியேற வேண்டும். துரதிர்ஷ்டவசமாக அது கில்லாக அமைந்துவிட்டார்” என கூறினார்.

இந்திய அணியின் புதிய திட்டம், 2026 டி20 உலகக்கோப்பையில் வெற்றியை நோக்கி முன்னேறுவதற்கான முக்கியமான மாற்றமாகக் கருதப்படுகிறது.