சென்னை:
தனது புகைப்படத்தை யூட்யூப், பேஸ்புக், எக்ஸ், இன்ஸ்டாகிராம் உள்ளிட்ட சமூக வலைதளங்களில் அனுமதி இல்லாமல் பயன்படுத்தவும், வருவாய் ஈட்டவும் தடை விதிக்க வேண்டும் என்ற கோரிக்கையுடன் பிரபல இசையமைப்பாளர் இளையராஜா சென்னை உயர்நீதிமன்றத்தில் புதிய வழக்கைத் தாக்கல் செய்துள்ளார்.
மனுவில்,
தன்னை அடையாளப்படுத்தும் வகையில் தனது புகைப்படம், பெயர், “இசைஞானி” என்ற பட்டப் பெயர், குரல் ஆகியவற்றை அனுமதியின்றி பயன்படுத்தக் கூடாது,
சமூக வலைதளங்களில் ஏற்கனவே பதிவிடப்பட்ட புகைப்படங்களை நீக்க வேண்டும்,
தனது புகைப்படத்தை பயன்படுத்தி வருவாய் ஈட்டிய நிறுவனங்கள் & சேனல்கள், அதற்கான வருமான விவரங்களை தாக்கல் செய்ய வேண்டும்
என்று கோரப்பட்டுள்ளது.
இந்த வழக்கு யூட்யூப் சேனல்கள், சோனி உள்ளிட்ட இசை நிறுவனங்கள், மற்றும் பல சமூக வலைதள தளங்களுக்கு எதிராக தொடரப்பட்டது. வழக்கு நீதிபதி என். செந்தில்குமார் முன் விசாரணைக்கு வந்தது.
வழக்கில் இளையராஜா தரப்பில் ஆஜரான மூத்த வழக்கறிஞர்கள் பிரபாகரன் மற்றும் சரவணன் தெரிவித்ததாவது:
“இளையராஜாவின் புகைப்படத்தை மார்ஃபிங் செய்து, ஏ.ஐ. தொழில்நுட்பம் பயன்படுத்தி மாற்றிய வடிவில் பதிவிட்டு வருவாய் ஈட்டப்படுகின்றது. இது அவரது தனிநபர் உரிமை மற்றும் பதிப்புரிமை மீறல்,”
என்று வாதிட்டனர்.
