தமிழ்நாட்டில் காங்கிரஸ் கட்சியுடன் கூட்டணி அமைப்பதற்கு தமிழக வெற்றிக் கழகம் மேற்கொண்ட திரைமறைவு முயற்சிகளை அனைவரும் அறிவார்கள். காங்கிரஸ் கட்சியைப் பொறுத்தவரை, நடிகர் விஜய்க்கு என்ன கொள்கை என்று தெளிவாகப் புரியாத நிலையில் அந்த முயற்சிகள் தொடக்கத்திலேயே நிராகரிக்கப்பட்டன. திமுகவை அரசியல் எதிரியாகவும், பாஜகவை கொள்கை எதிரியாகவும் அறிவித்த நடிகர் விஜய், கரூர் சம்பவத்திற்குப் பிறகு கொள்கை எதிரி என்று அறிவிக்கப்பட்ட பாஜகவை எதிர்த்து எந்தவித கருத்தும் கூறத் துணிவில்லாத நிலையில் இருந்தார்.
காங்கிரஸ் கட்சி திமுகவுடன் கடந்த இருபது ஆண்டுகளுக்கும் மேலாக ஒரு உறுதியான கொள்கை கூட்டணியாகச் செயல்பட்டு வருகிறது. இருநூறு பதினோராவது, இருநூறு இருபத்தொன்பதாவது, இருநூறு நாற்பத்தி நான்காவது ஆகிய அனைத்து தேர்தல்களிலும் திமுக காங்கிரஸ் கூட்டணி அமோக வெற்றி பெற்றுள்ளது. இந்நிலையில் தமிழக வெற்றிக் கழகத்துடன் எந்தவகையிலும் கூட்டணி அமைப்பதற்கான வாய்ப்புகள் முற்றிலும் இல்லை. இருப்பினும், காங்கிரஸில் ஆள்பிடிக்கும் முயற்சியில் ஈடுபட்ட தமிழக வெற்றிக் கழகத்திற்கு விரல் விட்டு எண்ணக்கூடிய சிலர் மட்டுமே சிக்கினர். ஒட்டுமொத்த காங்கிரஸ் கட்சியினர் மதச்சார்பற்ற முற்போக்கு கூட்டணியில் தீவிரமாகப் பணியாற்றி வருகின்றனர்.
இந்நேரத்தில் உண்மையான காங்கிரஸ் கட்சியினர் தமிழக வெற்றிக் கழகத்துடன் இருப்பதாகக் கூறுவது விட ஒரு அப்பட்டமானப் பொய் வேறு எதுவும் இருக்க முடியாது. இது அரசியல் உள்நோக்கம் கொண்ட விஷமத்தனமான, ஆதாரமற்ற அவதூறு குற்றச்சாட்டாகும். எனவே, காங்கிரஸ் கட்சியைச் சீண்டிப் பார்க்கும் வேலையை தமிழக வெற்றிக் கழகத் தலைவர் விஜய் உடனடியாக நிறுத்திக் கொள்ள வேண்டும்.
தமிழ்நாட்டில் மு.க. ஸ்டாலின் தலைமையிலான கூட்டணி மதச்சார்பின்மை, சமூக நீதி, ஜனநாயகத்தைப் பாதுகாக்கும் வகையில் செயல்பட்டு வருகிறது. ஆனால், பொதுமக்களைத் தவறாக வழிநடத்தும் வகையில் தமிழக வெற்றிக் கழகத் தலைவர் விஜய் அவதூறு கருத்துகளை வெளியிடுவது பொறுப்பற்ற செயலாகும். உண்மையான காங்கிரஸ் வேறு எங்கோ உள்ளது என்று கூறுவது காங்கிரஸ் தொண்டர்களின் உணர்வுகளைப் புண்படுத்தும் செயலுமானது, அரசியல் நாகரீகத்திற்கு எதிரானதுமாகும். எனவே, இத்தகைய தவறான, ஆதாரமற்ற அவதூறு கருத்துகளை உடனடியாகத் திரும்பப் பெற்று, காங்கிரஸ் கட்சியினரிடமும், பொதுமக்களிடமும் மன்னிப்புக் கோர வேண்டும் என காங்கிரஸ் கட்சி சார்பில் வலியுறுத்துகிறேன் என்று தெரிவித்துள்ளார்.
