சென்னை:
மகளிர் காங்கிரஸ் தலைவர் ஹசீனா சையத் சட்டசபை தேர்தலில் போட்டியிட வாய்ப்பு வழங்கப்படவில்லை என்றும், தனக்கும் மகளிருக்கும் அநீதி நடந்துள்ளதாக குற்றம் சாட்டியும் தனது பதவியை ராஜினாமா செய்திருக்கிறார். இதற்கிடையே காங்கிரஸ் மைய தலைமை, அவரை நீக்கி விட்டதாக அறிவித்துள்ளது. கட்சி விரோத நடவடிக்கைகளில் ஈடுபட்டதாக கூறி மகளிர் காங்கிரஸ் அகில இந்திய தலைவர் அல்கா லம்பா அந்த உத்தரவை பிறப்பித்துள்ளார்.
ஹசீனா சையத், முன்னதாக காங்கிரஸ் மகளிர் பிரிவின் தேசிய செயலாளராக பணியாற்றி வந்தவர். 2024 ஆம் ஆண்டு தமிழக காங்கிரஸ் தலைவராக தேர்ந்தெடுக்கப்பட்டார். ஆனால், தமிழக சட்டசபை தேர்தலில் மகளிர் காங்கிரஸ் தலைமைக்கு போதிய இடங்கள் வழங்கப்படவில்லை எனக் காரணம் காட்டி போராட்டத்தில் ஈடுபட்டார். அப்போது அவர் காங்கிரஸ் தேசியத் தலைவர் கார்கே மற்றும் மாநில தலைமையில் இருந்த கிரிஷ் சோடங்கர் உள்ளிட்டோரை கடுமையாக விமர்சித்தார்.
தமிழகத்தில் மகளிர் காங்கிரஸ் தலைவியாக இருந்து, 33 சதவீத இட ஒதுக்கீடு உறுதி அளித்ததாக கூறப்பட்டது; ஆனால் பல்வேறு தொகுதிகளில் பெண் வேட்பாளர்களுக்கு வாய்ப்பு கொடுக்கப்படவில்லை என்றும், தனக்குக் கொடுக்கப்பட்ட இடம் திரும்பப் பறிக்கப்பட்டது என்றும் அவர் குற்றம் சாட்டுகிறார். அசாம், கேரளா, மேற்கு வங்கம் போன்ற மாநிலங்களில் மகளிர் காங்கிரசுக்கு போதிய இடங்கள் வழங்கப்பட்டுள்ளன; ஆனால் தமிழகத்தில் மட்டும் வாய்ப்பு மறுக்கப்பட்டுள்ளது என்றும் அவர் வலியுறுத்தினார். சிங்காநல்லூர், குளச்சல் உள்பட பல தொகுதிகளில் தகுதி வாய்ந்த பெண் வேட்பாளர்கள் முன்மொழிந்தாலும், அவர்கள் பெயர்களையே பரிசீலனை செய்யவில்லை என ஹசீனா காரணம் காட்டினார்.
அவர் சொல்வதுபோல, மகளிர் காங்கிரஸ் தலைவி என்ற நிலையில் இருந்துகொண்டே கட்சி மேலிடம் தன்னைச் சுற்றியே சதி வேலை நடத்தி அவமானப்படுத்தியதாக கூறினார். கிரிஷ் சோடங்கர் உள்பட சிலர் தனது இடத்தை பிறருக்கு ஒதுக்கியதாக குற்றம் சாட்டினார். இதைத் தொடர்ந்து, தனக்காக மட்டும் அடம் பிடிக்கிறேன் என்றும், மகளிருக்கு நீதி கிடைக்க புரட்சி பறவைகள் எனும் பெயரில் புதிய இயக்கம் தொடங்கிய தனது திட்டத்தையும் அவர் வெளிப்படையாக அறிவித்தார்.
இந்தச் சூழலில் ஹசீனா சையத் ராஜினாமா கடிதம் எழுதி, அதில் மேலிடம் தனக்கு வேட்பாளர் வாய்ப்பு ஒதுக்கியபிறகு, செல்வப்பெருந்தகை, ஸ்ரீவல்ல பிரசாத், சுதா, புஷ்பராஜ், கிரிஷ் சோடங்கர், நிவேதிதா ஆல்வா ஆகியோரின் ஊழல் அமைப்புக்கு ஆதரவாக கார்கே நடந்து கொண்டதாகவும், எனவே தனது கோரிக்கை வீணானதாகவும் கூறியிருக்கிறார்.
