தமிழ்நாடு சட்டசபை தேர்தல் வாக்கு எண்ணிக்கை நடைபெற்று வரும் நிலையில், தமிழக வெற்றிக் கழகம் (தவெக) முக்கிய முன்னிலை பெற்றுள்ளது. இதனையடுத்து ஆட்சி அமைப்பது தொடர்பாக கட்சி தலைவர் விஜய், மூத்த நிர்வாகிகளுடன் ஆலோசனை நடத்தி வருவதாக தகவல்கள் வெளியாகியுள்ளன.
234 தொகுதிகளுக்கான தேர்தலில் பதிவான வாக்குகள் இன்று காலை 8 மணி முதல் எண்ணப்பட்டு வருகின்றன. தற்போதைய நிலவரப்படி, தவெக சுமார் 108 தொகுதிகளில் முன்னிலை வகிக்கிறது. அதிமுக 65 இடங்களிலும், திமுக 61 இடங்களிலும் முன்னிலையில் உள்ளன.
பல தொகுதிகளில் 10,000-க்கும் அதிகமான வாக்குகள் வித்தியாசத்தில் தவெக முன்னிலை பெற்றிருப்பது, கட்சியின் வலுவான நிலையை காட்டுகிறது. இந்த நிலையில், தெளிவான பெரும்பான்மையை நோக்கி நகரும் சூழலில், அடுத்த கட்ட அரசியல் நடவடிக்கைகள் குறித்து கட்சி உள்ளக ஆலோசனைகள் நடைபெற்று வருவதாக கூறப்படுகிறது.
இந்நிலையில், அரசை அமைக்கும் வாய்ப்பு குறித்து பல்வேறு அரசியல் கணக்கீடுகள் நடைபெற்று வருகின்றன. கூட்டணி அமைப்பது, ஆதரவு பெறுவது போன்ற விடயங்கள் பற்றியும் ஆலோசனை நடைபெற வாய்ப்பு உள்ளது.
எனினும், வாக்கு எண்ணிக்கை இன்னும் நடைபெற்று வருவதால் இறுதி முடிவுகள் வெளியாகும் வரை நிலைமைகள் மாறக்கூடும். தமிழக அரசியலில் புதிய திருப்பம் உருவாகுமா என்பது விரைவில் தெளிவாகும்.
