மறுஉருவாக்கப்பட்ட செய்தி
புதுடெல்லி: கர்நாடக மாநிலம் மேகதாது பகுதியில் அணை கட்டும் முயற்சி, தமிழ்நாடு–கர்நாடகா இடையே பேசுபொருளாகி வரும் நிலையில், காவிரி மேலாண்மை ஆணையத்தின் 46-வது கூட்டம் இன்று டெல்லியில் நடைபெற்றது.
ஆணையத் தலைவர் எஸ்.கே. ஹல்தார் தலைமையில் நடைபெற்ற இந்த கூட்டத்தில் தமிழ்நாடு, கர்நாடகா, கேரளா, புதுச்சேரி மாநிலங்களின் பிரதிநிதிகள் பங்கேற்றனர். கூட்டத்தில், உச்சநீதிமன்ற தீர்ப்பின்படி தமிழகத்திற்கு வழங்கப்பட வேண்டிய காவிரி நீர் குறித்து விவாதம் நடைபெற்றது. மேலும், மேகதாது அணை விவகாரம் தொடர்பாக கர்நாடகா தரப்பு தனது கருத்துகளை முன்வைத்ததாக தகவல் வெளியாகியுள்ளது.
இந்த சூழலில், டிசம்பர் மாதத்திற்கான 7.35 டிஎம்சி அளவிலான காவிரி நீரை தமிழ்நாட்டிற்கு திறக்க கர்நாடகாவுக்கு காவிரி மேலாண்மை ஆணையம் உத்தரவிட்டுள்ளது.
