9 நாட்களுக்குப் பிறகு தங்கம் விலை சரிவு – இன்றைய நிலவரம்
சென்னை:
2025-ம் ஆண்டின் தொடக்கத்திலிருந்தே தங்கம் மற்றும் வெள்ளி விலைகள் தொடர்ச்சியாக உயர்ந்து, அவ்வப்போது புதிய உச்சத்தை எட்டி வரலாற்றுச் சாதனைகளை படைத்து வருகின்றன. குறிப்பாக சமீப வாரங்களில் தங்கம் மட்டுமின்றி வெள்ளியின் விலையும் எதிர்பாராத அளவில் வேகமாக உயர்ந்து, நகை வாங்குவோர் மற்றும் முதலீட்டாளர்கள் மத்தியில் கவனத்தை ஈர்த்தது.
சென்னையில் கடந்த 19-ஆம் தேதி ஒரு சவரன் ஆபரணத் தங்கம் ரூ.99,040-க்கு விற்பனை செய்யப்பட்டது. அதனைத் தொடர்ந்து 20-ஆம் தேதி தங்கம் விலை ரூ.99,200 ஆக உயர்ந்தது. 22-ஆம் தேதி தங்கம் விலை மேலும் அதிகரித்து ரூ.1,00,560-ஐ எட்டியது. 23-ஆம் தேதி மீண்டும் உயர்ந்து ரூ.1,02,160-க்கு விற்பனையானது.
24-ஆம் தேதி ஒரு சவரன் தங்கத்தின் விலை ரூ.1,02,400 ஆக உயர்ந்த நிலையில், 25-ஆம் தேதி மேலும் உயர்ந்து ரூ.1,02,560-க்கு விற்கப்பட்டது. 26-ஆம் தேதி தங்கம் விலை ரூ.1,03,120 ஆக அதிகரித்தது. இதனைத் தொடர்ந்து நேற்று முன்தினம் தங்கத்தின் விலை சவரனுக்கு ரூ.1,04,000 என்ற புதிய உச்சத்தை எட்டியது. நேற்று விடுமுறை தினம் என்பதால், தங்க விலையில் எந்த மாற்றமும் இன்றி அதே விலையில் விற்பனை நடைபெற்றது.
இன்றைய தங்கம் விலை
இந்த நிலையில், தொடர்ந்து உயர்ந்து வந்த தங்கத்தின் விலை 9 நாட்களுக்குப் பிறகு இன்று சரிவை சந்தித்துள்ளது. அதன்படி, சென்னையில் ஆபரணத் தங்கத்தின் விலை சவரனுக்கு ரூ.640 குறைந்து ரூ.1,04,160-க்கு விற்பனை செய்யப்பட்டு வருகிறது. அதேபோல், ஒரு கிராம் தங்கத்தின் விலை ரூ.80 குறைந்து ரூ.13,020 ஆக நிர்ணயிக்கப்பட்டுள்ளது.
இந்த விலை சரிவு, கடந்த நாட்களாக உயர்ந்த தங்க விலையால் நகை வாங்க முடியாமல் காத்திருந்த பொதுமக்களுக்கு ஓரளவு நிம்மதியை அளித்துள்ளதாக வணிகர்கள் தெரிவிக்கின்றனர்.
இன்றைய வெள்ளி விலை
தங்கத்தைப் போலவே வெள்ளியின் விலையும் இன்று கணிசமாக குறைந்துள்ளது. சென்னையில் வெள்ளியின் விலை கிலோவுக்கு ரூ.4,000 குறைந்து ரூ.2,76,000-க்கு விற்பனை செய்யப்பட்டு வருகிறது. கிராமுக்கு ரூ.4 குறைந்து ரூ.276-க்கு விற்பனை நடைபெற்று வருகிறது.
சர்வதேச சந்தை நிலவரம், டாலரின் மதிப்பில் ஏற்பட்ட மாற்றங்கள் மற்றும் முதலீட்டாளர்களின் போக்கு போன்ற காரணங்களால் தங்கம் மற்றும் வெள்ளி விலைகளில் இந்த மாற்றம் ஏற்பட்டுள்ளதாக சந்தை வல்லுநர்கள் தெரிவிக்கின்றனர்.
