சிட்னி: ஆஸ்திரேலிய ஓபன் பாட்மிண்டன் தொடர் சிட்னி நகரில் நடைபெற்று வருகிறது. இதில் ஆடவர் ஒற்றையர் பிரிவு கால் இறுதி சுற்றில் இந்தியாவின் லக்ஷயா சென், சகநாட்டைச் சேர்ந்த ஆயுஷ் ஷெட்டியுடன் மோதினார்.
இதில் லக்ஷயா சென் 23-21, 21-11 என்ற செட் கணக்கில் வெற்றி பெற்று அரை இறுதிக்கு முன்னேறினார். அரை இறுதி சுற்றில் உலகத் தரவரிசையில் 9-வது இடத்தில் உள்ள சீன தைபேவின் சோ டியன் சென்னுடன் மோதுகிறார் லக்ஷயா சென். ஆடவர் இரட்டையர் பிரிவு கால் இறுதி சுற்றில் இந்தியாவின் சாட்விக் சாய்ராஜ் ராங்கி ரெட்டி, ஷிராக் ஷெட்டி ஜோடி 19-21 15-21 என்ற செட் கணக்கில் இந்தோனேஷியாவின் ஃபஜார் அலிஃபான், முகமது ஷோகிபுல் ஃபிக்ரி ஜோடியிடம் தோல்வி அடைந்தது.
