ஆஷஸ் 2-வது டெஸ்ட் – மைக்கேல் நேசர் 5 விக்கெட்
பிரிஸ்பேன்: ஆஸ்திரேலியா–இங்கிலாந்து அணிகள் இடையிலான ஆஷஸ் 2-வது டெஸ்ட் (பிங்க் பந்து) பிரிஸ்பேனில் நடைபெற்று வருகிறது.
முதலில் பேட்டிங் செய்த இங்கிலாந்து அணி முதல் இன்னிங்சில் 334 ரன்னில் ஆல்-அவுட் ஆனது.
பின்னர் ஆஸ்திரேலியா 511 ரன்கள் குவித்து ஆல்-அவுட் ஆனது. இதில் மிட்செல் ஸ்டார்க் 77 ரன்களும், அலெக்ஸ் கேரி 63 ரன்களும் எடுத்தனர்.
இங்கிலாந்து தரப்பில் பிரைடன் கார்ஸ் 4 விக்கெட்டும், பென் ஸ்டோக்ஸ் 3 விக்கெட்டும் கைப்பற்றினர்.
இங்கிலாந்து அணி 2-வது இன்னிங்சில் சீரான இடைவெளியில் விக்கெட்டுகளை இழந்தது. 3-வது நாள் முடிவில் 6 விக்கெட்டுக்கு 134 ரன்கள் மட்டுமே எடுத்தது.
4-வது நாளில் கேப்டன் பென் ஸ்டோக்ஸ் (50) மற்றும் வில் ஜாக்ஸ் (41) சிறப்பாக ஆடியும், பின்வரிசை வீரர்கள் விரைவில் அவுட்டானதால், 75.2 ஓவர்களில் 241 ரன்களில் ஆல்-அவுட் ஆனது.
இதன் மூலம் ஆஸ்திரேலியாவுக்கு வெறும் 65 ரன்கள் இலக்காக நிர்ணயிக்கப்பட்டது. இங்கிலாந்து தரப்பில் முக்கிய பங்களிப்பு செய்த மைக்கேல் நேசர் 5 விக்கெட்டுகளை வீழ்த்தினார்.
வெற்றிக்காக 65 ரன்கள் தேவைப்பட்ட ஆஸ்திரேலிய அணி, 5 ஓவர்களில் விக்கெட் இழப்பின்றி 33 ரன்கள் எடுத்துள்ளது. ஹெட் 19 ரன்களுடனும், வெதரால்ட் 10 ரன்களுடனும் களத்தில் உள்ளனர்.
ஆஸ்திரேலியாவுக்கு இன்னும் 32 ரன்கள் மட்டுமே தேவை என்ற நிலையில், தற்போது உணவு இடைவேளை அறிவிக்கப்பட்டுள்ளது.
