ரசிகர்களுக்கு இரட்டை விருந்து! ஹிப்ஹாப் ஆதி இரட்டை வேடங்களில் நடித்துள்ள ‘மீசைய முறுக்கு 2’ படத்தின் ரிலீஸ் தேதி அறிவிப்பு!
சென்னை: தமிழ் சினிமாவில் தனக்கெனத் தனிப்பாதை அமைத்து இளைஞர்களின் பேராதரவைப் பெற்று விளங்குபவர் ஹிப்ஹாப் தமிழா ஆதி. பாடகர், இசையமைப்பாளர், நடிகர், இயக்குநர் எனப் பன்முகத்திறமை கொண்ட இவர், தற்போது மீண்டும் இயக்குநராகக் களமிறங்கியுள்ள திரைப்படம் ‘மீசைய முறுக்கு 2’. இளைஞர்களிடையே பெரும் எதிர்பார்ப்பை ஏற்படுத்தியுள்ள இத்திரைப்படம் வரும் செப்டம்பர் 25-ஆம் தேதி திரையரங்குகளில் உலகம் முழுவதும் வெளியாகவுள்ளதாக அதிகாரப்பூர்வமாக அறிவிக்கப்பட்டுள்ளது.
தனியிசையில் தொடங்கி திரைத்துறை வரை: இணையதளம் வாயிலாகத் தனியிசைத் துறையில் (Independent Music) ராப் பாடகராகத் தனது இசைப் பயணத்தைத் தொடங்கிய ஹிப்ஹாப் ஆதி, தனது துள்ளலான பாடல்கள் மூலம் குறுகிய காலத்தில் உலகத் தமிழர்களின் கவனத்தை ஈர்த்தார். இதனைத் தொடர்ந்து, விஷால் நடித்த ‘ஆம்பள’ படத்தின் மூலம் தமிழ் சினிமாவில் இசையமைப்பாளராக அறிமுகமானார்.
அதன்பின்னர் ‘தனி ஒருவன்’, ‘அரண்மனை’ வரிசைப் படங்கள் எனப் பல முன்னணி ஹீரோக்களின் படங்களுக்குத் ஹிட் இசை கொடுத்துத் தமிழ் திரையுலகில் முன்னணி இசையமைப்பாளராக உருவெடுத்தார்.
இயக்குநராகவும் நடிகராகவும் வெற்றி: இசையமைப்பாளராகப் புகழின் உச்சத்தில் இருந்தபோதே, கடந்த 2017-ஆம் ஆண்டு வெளியான ‘மீசையை முறுக்கு’ திரைப்படத்தின் மூலம் கதாநாயகனாகவும், இயக்குநராகவும் அவதாரமெடுத்தார். ஒரு சாதாரணக் கல்லூரி மாணவனின் கனவு, காதல், இசை மீதான காதல் மற்றும் வாழ்க்கைப் போராட்டத்தை மையமாகக் கொண்டு உருவான இத்திரைப்படம் இளைஞர்களிடையே மாபெரும் வரவேற்பைப் பெற்று பாக்ஸ் ஆபீஸில் வசூல் சாதனை படைத்தது.
இப்படத்தின் பிரம்மாண்ட வெற்றியைத் தொடர்ந்து, ‘நட்பே துணை’, ‘நான் சிரித்தால்’, ‘சிவகுமாரின் சபதம்’, ‘அன்பறிவு’ உள்ளிட்ட பல்வேறு திரைப்படங்களில் கதாநாயகனாக நடித்து ரசிகர்களின் விருப்பத்திற்குரிய நடிகராக மாறினார்.
‘மீசைய முறுக்கு 2’ சிறப்பம்சங்கள்: ‘மீசைய முறுக்கு’ முதல் பாகத்தின் மாபெரும் வெற்றியைத் தொடர்ந்து, அதன் இரண்டாம் பாகத்தை உருவாக வேண்டும் என்பது ரசிகர்களின் நீண்ட நாள் கோரிக்கையாக இருந்தது. அதற்கேற்ப தற்போது உருவாகியுள்ள ‘மீசைய முறுக்கு 2’ திரைப்படத்தை ஹிப்ஹாப் ஆதியே இயக்கி, இசையமைத்து, கதாநாயகனாகவும் நடித்துள்ளார்.
இப்படத்தின் மிக முக்கியமான சிறப்பம்சமாக, ஹிப்ஹாப் ஆதி முதன்முறையாக இப்படத்தில் இரட்டை வேடங்களில் (Double Role) நடித்துள்ளார் என்பது குறிப்பிடத்தக்கது. முதல் பாகத்தைப் போலவே இளைஞர்களைக் கவரும் வண்ணம் காதல், நட்பு, காமெடி, எமோஷன் மற்றும் தன்னம்பிக்கை ஊட்டும் கதைக்களத்துடன் இந்தப் படம் தயாராகியுள்ளது.
செப்டம்பர் 25-ல் கொண்டாட்டம்: திரைப்படத்தின் இறுதிக்கட்டப் பணிகள் விறுவிறுப்பாக நடைபெற்று வரும் நிலையில், ‘மீசைய முறுக்கு 2’ திரைப்படம் வரும் செப்டம்பர் 25-ஆம் தேதி திரைக்கு வரும் எனப் படக்குழுவினர் முறைப்படி அறிவித்துள்ளனர். இந்த அறிவிப்பு ஹிப்ஹாப் ஆதியின் ரசிகர்களிடையேயும், திரையுலக வட்டாரத்திலும் பெரும் மகிழ்ச்சியையும் எதிர்பார்ப்பையும் ஏற்படுத்தியுள்ளது.
