பாப்பிரெட்டிப்பட்டி தொகுதியில் பட்டையை கிளப்புவது யார்?
தருமபுரி மாவட்டத்தில் 60வது இடத்தில் உள்ள பாப்பிரெட்டிப்பட்டி தொகுதி 2008 தொகுதி மறுசீரமைப்பில் உருவானது. முன்பு மொரப்பூர் தொகுதியாக இருந்தது. பாப்பிரெட்டிப்பட்டி, பி.மல்லாபுரம், கடத்தூர் பேரூராட்சிகள், நூற்றுக்கும் மேற்பட்ட சிற்றூர்கள் உள்ளன. தருமபுரி நகரம் தொட்டு சேலம் வரை நீண்ட தொகுதி.
விவசாயம் முக்கிய தொழில். நெல், கரும்பு, மஞ்சள், மரவள்ளிக்கிழங்கு, பாக்கு, பருத்தி, மலர் சாகுபடி. வாணியாறு அணை, தென்கரைக்கோட்டை, பொம்மிடி ரயில் நிலையம் சிறப்பு. 45 சதவீதம் வன்னியர், 20-25 சதவீதம் ஆதிதிராவிடர், கவுண்டர், ரெட்டியார், செட்டியார், சிறுபான்மையினர் வாக்காளர்கள்.
விவசாயிகள் கோரிக்கை: பெரிய தொழிற்சாலைகள், வாணியாறு கால்வாய் தூர்வாரல், பாசன வசதி, கொள்முதல் நிலையங்கள், சேமிப்புக் கிடங்குகள், மரவள்ளி சேகோ ஆலை, ஜவ்வரிசி தொழிற்சாலை, பொம்மிடி ரயில் நின்று செல்லல், கரும்பு லாரி மேம்பாலம், கே.ஈச்சம்பாடி அணை நீரேற்றம், வேப்பாடியாறு தடுப்பணை, பொம்மிடி ஊராட்சி ஒன்றியம், கடத்தூர் வட்டாட்சியர் அலுவலகம், தீயணைப்பு நிலையம், பொதியம்பள்ளம் அணை மேம்பாடு, மகளிர் கல்லூரி.
2011, 2016ல் முனைவர் பி.பழனியப்பன் வென்று அமைச்சரானார். 2019 இடைத்தேர்தலில் ஆ.கோவிந்தசாமி, 2021ல் மீண்டும் வென்றார். 2026ல் திமுகவில் இணைந்த பழனியப்பனுக்கு வாய்ப்பு. அதிமுகவில் தருமபுரி நகரமன்றத் தலைவர் எஸ்.ஆர்.வெற்றிவேலின் மனைவி மரகதம் முதல் முறை. நாம் தமிழர் அர்ச்சனா, தவெக எஸ்.திலகவதி போட்டியிடுகின்றனர்.
திமுக 5 ஆண்டு சாதனை, தேர்தல் அறிக்கை, விசிக் கூட்டணி சாதகம் என்கிறது. அதிமுக ஆளுங்கட்சி அதிருப்தி, பாமக் கூட்டணி, அறிக்கை சாதகம் என நம்புகிறது. ராமதாஸ் ஆதரவு, வணிகர் வாக்குகள் முக்கியம். ஆண் 1,28,301, பெண் 1,28,325, மூன்றாம் பாலினம் 14, மொத்தம் 2,56,640 வாக்காளர்கள்.
