பிரதமரின் கன்னியாகுமரி வருகைக்குப் பின் தடயமின்றி திமுக மறைந்து போகும்: பாஜக விமர்சனம்
சென்னை: பிரதமர் மோடியின் கன்னியாகுமரி வருகைக்குப் பிறகு, கடலில் கரைந்த பெருங்காயம் போல தடயமே இல்லாமல் திமுக மறைந்து போகும் என தமிழக பாஜக திமுக ஆட்சியை கடுமையாக விமர்சித்துள்ளது.
பாஜக மாநில செய்தித் தொடர்பாளர் ஏ.என்.எஸ். பிரசாத் வெளியிட்ட அறிக்கையில், உலகம் கண்டிராத மக்கள் விரோத, ஊழல் மலிந்த ஆட்சியை முதல்வர் ஸ்டாலின் நடத்தி வருவதாகக் கூறியுள்ளார். மதுரை, திருச்சி, மதுராந்தகம் பொதுக்கூட்டங்களில் பிரதமர் மோடி முன்வைத்த அடுக்கடுக்கான குற்றச்சாட்டுகளுக்கு ஸ்டாலின் இதுவரை ஏன் மௌனம் சாதித்து நிற்கிறார்? என்று கேள்வி எழுப்பியுள்ளார்.
தமிழக வளர்ச்சிக்கு மத்திய அரசு செய்துள்ள சாதனைகளை பிரதமர் பட்டியலிட்டுள்ளார். ஆனால், ‘மத்திய அரசு தமிழகத்துக்கு எதுவும் செய்யவில்லை’ என தினமும் பொய்மூட்தைகளை அவிழ்த்துவிடும் ஸ்டாலின், பிரதமரின் புள்ளிவிவரங்களுக்கு பதில் அளிக்கத் தயாரா? என்று சவால் விடுக்கப்பட்டுள்ளது.
பிரதமர் மோடி ஏப்ரல் 15-ம் தேதி நாகர்கோவில் வருகை தருவதற்கு முன்பாக, அவர் எழுப்பியுள்ள கேள்விகளுக்கு முதல்வர் நேரடியாகப் பதில் அளிக்க வேண்டும் என பாஜக வலியுறுத்துகிறது. திமுகவுக்கு வாக்குகள் கிடைக்கப் போவதில்லை என பெண்கள் இறைவனின் சாட்சியாக சபதம் எடுத்துள்ளனர்.
பிரதமரின் கன்னியாகுமரி வருகைக்குப் பிறகு, திமுக எனும் தீய சக்தி அந்தக் கடலில் கரைந்த பெருங்காயம் போல தடயமின்றி மறைந்து போகும் என பாஜக தெரிவித்துள்ளது. மத்திய அரசின் பல்வேறு திட்டங்கள் தமிழகத்தில் செயல்படுத்தப்பட்டுள்ளதாகவும், திமுக ஆட்சியில் ஊழல், மக்கள் விரோத சம்பவங்கள் அதிகரித்துள்ளதாகவும் அறிக்கை விமர்சித்துள்ளது.
இந்த விமர்சனங்கள் தேர்தல் பிரச்சாரத்தில் பாஜகவின் உத்தியாக இருப்பதாகவும், முதல்வருக்கு நேரடி பதில் தேவை என்றும் அரசியல் கட்சிகள் கருதுகின்றன. பிரதமரின் வருகை தமிழகத் தேர்தலில் பாஜகவுக்கு பலம் அளிக்கும் எனவும் எதிர்பார்க்கப்படுகிறது.
