ஆய்வு செய்ய வேண்டியவர்கள் ஓய்வில் இருக்கலாமா? – தமிழிசை கடுமை விமர்சம்
தமிழகத்தில் ஏப்ரல் 23 அன்று சட்டசபைத் தேர்தலுக்கு ஓட்டுப்பதிவு நடந்தது. இதைத் தொடர்ந்து தமிழக முதல்வர் மு.க. ஸ்டாலின் தன் குடும்பத்தினருடன் கொடைக்கானலுக்கு ஓய்வெடுக்கச் சென்றார். துணை முதல்வர் உதயநிதி ஸ்டாலின் தன் மனைவி, மகளுடன் துபாய் பயணித்துள்ளார். அங்கு சில நாட்கள் ஓய்வுக்குப் பின் தமிழகம் திரும்பத் திட்டமிட்டுள்ளார்.
இதை மிகக் கடுமையாக விமர்சித்து தமிழக பாஜக மூத்த தலைவர் தமிழிசை சவுந்தரராஜன் தன் சமூக ஊடகப் பக்கத்தில் பதிவிட்டுள்ளார். அந்தப் பதிவில் அவர் கூறியது: “கோடை வெயிலில் வரிசையில் நின்று ஓட்டளித்த மக்கள் அனைவரும் தங்கள் வீடுகளில் அன்றாடப் பணிகளைச் செய்கின்றனர். ஆனால் எப்போதும் பணியில் இருக்க வேண்டிய முதல்வர் குடும்பத்துடன் கொடைக்கானலுக்கு ஓய்வெடுக்கச் சென்றுள்ளார்.”
“ஓட்டளித்து துணை நிற்கும் மக்கள் தங்கள் பணியில் ஈடுபட்டிருக்க, துணை முதல்வர் அயல்நாட்டுப் பயணத்தில் குடும்பத்தினருடன் உள்ளார். அரசியல் என்பது அனைவருக்கும் சமமே. தி.மு.க.வின் இந்த ஏற்றத்தாழ்வு மனப்பான்மை அவர்களின் ஏற்றத்திற்காக அல்ல, இறக்கத்திற்காகவே உள்ளது” என்று விமர்சித்தார்.
“மொத்தத்தில் ஆய்வு செய்ய வேண்டியவர்கள் ஓய்வுக்கு சென்றுள்ளனர். இதே கூட்டம்தான் அன்று அரசு வேலையாக ஊற்றிச் சென்ற பெருந்தலைவர் காமராஜரைப் பார்த்து ‘கும்பி எரியுது; குடல் வேகுது; குளுகுளு ஊட்டி ஒரு கேடா’ என்று கேலி பேசியது. பொதுநலம் என்று பேசி திரியும் சுயநலவாதிகளை அனைவரும் புரிந்து கொள்ள வேண்டும்” என்று தமிழிசை பதிவிட்டார்.
இந்தப் பதிவு சமூக ஊடகங்களில் பரவலாக விவாதத்தை ஏற்படுத்தியுள்ளது. தி.மு.க. தலைவர்கள் இதற்கு பதிலளிக்கலாம் என எதிர்பார்க்கப்படுகிறது. தேர்தல் முடிவுகளுக்குப் பின் ஆளும் கட்சித் தலைவர்களின் ஓய்வு பயணங்கள் அரசியல் விமர்சனங்களுக்கு வழிவகுத்துள்ளன
