ஆஷஸ் 2வது டெஸ்ட் பயிற்சியில் ஸ்டீவ் ஸ்மித்தின் கண்களுக்கு கீழ் கருப்பு பட்டை
பிரிஸ்பேன்:
ஆஸ்திரேலியாவில் சுற்றுப்பயணம் மேற்கொண்டுள்ள இங்கிலாந்து கிரிக்கெட் அணி, 5 போட்டிகள் கொண்ட ஆஷஸ் டெஸ்ட் தொடரில் பங்கேற்று வருகிறது. பெர்த்தில் நடந்த முதலாவது டெஸ்டில் ஆஸ்திரேலியா 8 விக்கெட் வித்தியாசத்தில் வெற்றி பெற்று தொடரில் 1-0 முன்னிலையில் உள்ளது.
இதன் தொடர்ச்சியாக, ஆஸ்திரேலியா–இங்கிலாந்து இடையிலான 2வது டெஸ்ட் போட்டி பிரிஸ்பேனில் உள்ள கப்பா ஸ்டேடியத்தில் இன்று பிங்க் பந்து டெஸ்ட் முறையில் தொடங்கியது. டாஸ் வென்ற இங்கிலாந்து அணி முதலில் பேட்டிங் செய்து, முதல் நாள் முடிவில் 9 விக்கெட்டுகள் இழப்புக்குப் பிறகு 325 ரன்கள் குவித்துள்ளது. ரூட் 135 ரன்களுடனும், ஆர்ச்சர் 32 ரன்களுடனும் களத்தில் உள்ளனர். ஆஸ்திரேலியா தரப்பில் மிட்செல் ஸ்டார்க் 6 விக்கெட்டுகளை வீழ்த்தியுள்ளார். நாளை 2வது நாள் ஆட்டம் நடைபெற உள்ளது.
இந்த போட்டிக்கான பயிற்சியின்போது, ஆஸ்திரேலிய அணியின் கேப்டன் ஸ்டீவ் ஸ்மித் வித்தியாசமாக தனது கண்களுக்கு கீழாக சிறிய கருப்பு பட்டை போடிப் பார்த்தார். இதற்கு முன்பு, வெஸ்ட்இண்டீஸ் முன்னாள் வீரர் ஷிவ்நரைன் சந்தர்பால் இதே மாதிரியான கருப்பு பட்டையுடன் விளையாடியதாக இருந்தார்.
இந்த சம்பவத்தைப் பற்றி செய்தியாளர்கள் கேள்வி கேட்டதற்கு ஸ்மித் விளக்கம் அளித்தார்:
“சந்தர்பாலுக்கு நான் மெசேஜ் அனுப்பி கேட்டேன். அவர் கூறியதாவது, கண்களுக்கு கீழ் கருப்பு வர்ணம் இருந்தால் வெளிச்சத்தை 65% வரை தடுக்கும். பயிற்சியில் நானும் அதை உணர்ந்தேன். உங்கள் புகைப்படங்களில் தவறாக காட்டப்பட்டதை அவர் உணர்த்தினார். அதை நானும் சரி செய்துவிட்டேன்,” என்று ஸ்மித் தெரிவித்துள்ளார்.
