🏅 கேல் ரத்னா–அர்ஜுனா விருதுக்கு பரிந்துரைக்கப்பட்ட வீரர்கள்: கிரிக்கெட் வீரர்கள் யாரும் இல்லை
புதுடெல்லி: விளையாட்டுத் துறையில் சிறந்து விளங்கும் வீரர், வீராங்கனைகளுக்கு மத்திய அரசு ஆண்டுதோறும் மேஜர் தயான்சந்த் கேல் ரத்னா மற்றும் அர்ஜுனா விருதுகளை வழங்கி கவுரவித்து வருகிறது. இந்திய விளையாட்டு உலகில் மிக உயரிய விருதாகக் கருதப்படும் கேல் ரத்னா, சாதனையால் நாட்டை பெருமைப்படுத்தியவர்களுக்கு வழங்கப்படுகிறது.
இந்த ஆண்டுக்கான கேல் ரத்னா விருதுக்கு இந்திய ஆண்கள் ஹாக்கி அணியின் துணை கேப்டன் ஹர்திக் சிங் மட்டுமே பரிந்துரைக்கப்பட்டுள்ளார். ஹாக்கி துறையில் அவர் காட்டிய சிறப்பான ஆட்டம், இந்திய அணியின் வெற்றிக்கு முக்கிய பங்காற்றியதாகக் கருதப்படுகிறது.
அதே நேரத்தில், அர்ஜுனா விருதுக்கு பல்வேறு விளையாட்டு பிரிவுகளில் சாதனை படைத்த 24 வீரர், வீராங்கனைகளின் பெயர்கள் பரிந்துரைக்கப்பட்டுள்ளன. இதில் தடகளம், ஹாக்கி, செஸ், டேபிள் டென்னிஸ், மல்யுத்தம், பேட்மிண்டன், கபடி, துப்பாக்கிச் சுடுதல், ஜிம்னாஸ்டிக்ஸ், போலோ, ரோயிங், பாரா விளையாட்டுகள் போன்ற பல துறைகள் இடம்பெற்றுள்ளன. ஆனால், குறிப்பிடத்தக்க வகையில் கிரிக்கெட் வீரர்கள் யாரும் இந்த பட்டியலில் இடம்பெறவில்லை.
அர்ஜுனா விருதுக்கு பரிந்துரைக்கப்பட்டவர்கள்:
தடகளம்: தேஜஸ்வின் சங்கர், பிரியங்கா, முகமது அப்சல்
குத்துச்சண்டை: நரேந்தர்
துப்பாக்கிச் சுடுதல்: மெஹுலி கோஷ், அகில் ஷியோரன்
டேபிள் டென்னிஸ்: சுதிர்தா முகர்ஜி
மல்யுத்தம்: சோனம் மாலிக்
பேட்மிண்டன்: அராட்டி கோபிசந்த்
ஹாக்கி: லால்ரெம்சியாமி, ராஜ்குமார் பால்
கபடி: பூஜா
செஸ்: விதித் குஜ்ராத்தி, திவ்யா தேஷ்முக்
பாரா விளையாட்டுகள்: தனுஷ் ஸ்ரீகாந்த் (காதுகேளாதோர் துப்பாக்கிச் சுடுதல்), சுர்ஜித்ரான்ஹோக்கி கண்டேல்வால் (பாரா-ஷூட்டிங்), ஏக்தா பியான் (பாரா தடகளம்)
ஜிம்னாஸ்டிக்ஸ்: பிரணதி நாயக்
போலோ: பத்மநாப் சிங்
ரோயிங்: அரவிந்த் சிங்
இந்த பட்டியலில் பல்வேறு துறைகளில் சாதனை படைத்த வீரர்கள் இடம்பெற்றுள்ள நிலையில், கிரிக்கெட் துறையில் யாரும் பரிந்துரைக்கப்படாதது கவனத்தை ஈர்த்துள்ளது. இந்தியாவில் மிகப்பெரிய ரசிகர் ஆதரவு பெற்ற விளையாட்டாகக் கருதப்படும் கிரிக்கெட், இந்த ஆண்டு விருது பரிந்துரைகளில் இடம்பெறாதது, விளையாட்டு உலகில் விவாதத்துக்கு வழிவகுத்துள்ளது.
