கப்பலோட்டிய தமிழன் வ.உ.சிதம்பரனாரின் பிறந்தநாளை முன்னிட்டு முதலமைச்சர் விஜய் அவருக்கு புகழஞ்சலி செலுத்தியுள்ளார்.
இந்திய விடுதலைப் போராட்டத்தில் வ.உ.சிதம்பரனார் வெளிப்படுத்திய வீரம், துணிவு, தியாகம் மற்றும் தேசப்பற்று என்றும் நினைவுகூரப்பட வேண்டியவை என்று அவர் தெரிவித்துள்ளார்.
ஆங்கிலேயர்களின் வர்த்தக ஆதிக்கத்தை எதிர்த்து இந்தியர்களுக்கென Swadeshi Steam Navigation Company தொடங்கிய வ.உ.சி., தூத்துக்குடி–கொழும்பு இடையே சுதேசி கப்பல் சேவையை முன்னெடுத்தார். அவரது இந்த முயற்சி இந்திய விடுதலைப் போராட்டத்தில் பொருளாதார சுயமரியாதையின் முக்கிய அடையாளமாக அமைந்தது.
தேசத்தின் விடுதலைக்காக சிறைத் தண்டனை உள்ளிட்ட கடுமையான துயரங்களை எதிர்கொண்டபோதும் தனது கொள்கையிலிருந்து விலகாமல் போராடியதால், அவர் “செக்கிழுத்த செம்மல்”, “கப்பலோட்டிய தமிழன்” என மக்களால் போற்றப்படுகிறார்.
வ.உ.சிதம்பரனாரின் வாழ்க்கை, இன்றைய இளைஞர்களிடம் தேசப்பற்று, தன்னம்பிக்கை மற்றும் அநீதிக்கு எதிராக போராடும் மனப்பான்மையை உருவாக்கும் என்றும் அவரது வீரம் மற்றும் தியாகத்தை தலைமுறைகள் தொடர்ந்து நினைவுகூர வேண்டும் என்றும் முதல்வர் விஜய் தனது வாழ்த்துச் செய்தியில் வலியுறுத்தியுள்ளார்.
