டிரம்ப் அதிரடி: ஈரானுடன் வர்த்தகம் செய்யும் நாடுகளுக்கு 25% வரி—அமெரிக்க உத்தரவு!
நியூயார்க்: ஈரானுடன் வர்த்தகம் செய்யும் நாடுகளுக்கு 25 சதவீத வரி விதிக்கப்படும் என அமெரிக்க ஜனாதிபதி டிரம்ப் அறிவித்துள்ளார். இது உடனடியாக அமலுக்கு வரும் என வெள்ளை மாளிகை உறுதியாகத் தெரிவித்துள்ளது. ஈரானில் 16-வது நாளாக நீடிக்கும் போராட்டங்கள், பணவீக்கம், விலைவாசி உயர்வுக்கு இது மறைமுக அழுத்தமாக இருக்கும்.
ஈரானின் 31 மாகாணங்களில் 100 நகரங்களில் மக்கள் போராட்டம் தொடர்கின்றனர். வன்முறையைத் தடுக்க இணைய சேவை முடக்கம், அரசு ஊடகங்கள் மட்டும் அனுமதி. போராட்டத்தில் 544 பேர் பலி, 10,681 பேர் கைது என அமெரிக்க மனித உரிமைகள் அமைப்பு கணக்கு. “ஈரானை சிறந்த நாடாக மாற்றுவேன். போராட்டக்காரர்கள் பாதுகாக்கப்பட வேண்டும்,” என டிரம்ப் எச்சரிக்கை. இதற்கு ஈரான் தலைவர் காமேனி, “உங்கள் சொந்த விவகாரங்களில் கவனம் செலுத்துங்கள்” என பதில்.
வெள்ளை மாளிகை ஊடகச் செயலாளர் கரோலின் லீவிட், “ஈரான் விவகாரங்கள் டிரம்ப் மேசையில். வான்வழித் தாக்குதல் உள்ளிட்ட நடவடிக்கைகள் தயார்” எனக் கூறி அதிர்ச்சி ஏற்படுத்தினார். நேரடி தாக்குதலுக்கு பதிலாக, ஈரானுடன் ஏற்றுமதி-இறக்குமதி செய்யும் நாடுகளுக்கு 25% வரி—இது டிரம்பின் புது strategy. “இந்த உத்தரவு இறுதி. ஈரானுக்கு வர்த்தகப் பாதிப்பு ஏற்படும்,” என அவர் தெரிவித்தார்.
ஏற்கனவே பொருளாதார நெருக்கடியில் சிக்கிய ஈரான், இதனால் மோசமடையும். அமெரிக்காவுடன் வர்த்தகம் செய்யும் நாடுகள் (இந்தியா உட்பட) பாதிப்படையும். ஈரான் மீதான அழுத்தம் அதிகரிக்கும் என விமர்சகர்கள் எச்சரிக்கை. இந்த அறிவிப்பு உலக வர்த்தகத்தில் புது அலைகளை ஏற்படுத்தும்.
