தமிழக அரசு ஊழல் மற்றும் லஞ்சமில்லா நிர்வாகத்தை உருவாக்கும் நோக்கில் நடவடிக்கைகளை தீவிரப்படுத்தி வரும் நிலையில், லஞ்சம் தொடர்பான புகார்களை நேரடியாக தெரிவிக்க WhatsApp எண்ணை அமைச்சர் கீர்த்தனா பகிர்ந்துள்ளார்.
விருதுநகர் மாவட்டத்தைச் சேர்ந்த மாற்றுத் திறனாளி சுப்புராஜ், பட்டாசு கடைக்கான உரிமம் பெற முயன்றபோது தீயணைப்பு அலுவலர் செந்தூர் பாண்டியன் லஞ்சம் கேட்டதாக புகார் அளித்திருந்தார்.
இந்த புகாரின் அடிப்படையில் விசாரணை நடத்தப்பட்டு, குற்றச்சாட்டு உறுதி செய்யப்பட்டதைத் தொடர்ந்து சம்பந்தப்பட்ட அலுவலர் பணியிடை நீக்கம் செய்யப்பட்டதாக அமைச்சர் கீர்த்தனா தெரிவித்துள்ளார்.
இந்த நடவடிக்கையை சுட்டிக்காட்டிய அவர், “இது ஆரம்பம் மட்டுமே; தவறு செய்தவர் யாராக இருந்தாலும் தப்ப முடியாது. லஞ்சம் வாங்கினால் நடவடிக்கை உறுதி” என்ற நிலைப்பாட்டை வலியுறுத்தியுள்ளார்.
மேலும், அரசு அலுவலகங்களில் லஞ்சம் கேட்பது அல்லது ஊழல் தொடர்பான புகார்களை WhatsApp எண் +91 70103 27687 மூலம் தெரிவிக்கலாம் என அவர் பொதுமக்களுக்கு அறிவுறுத்தியுள்ளார்.
இதற்கிடையில், தமிழக அரசின் அதிகாரப்பூர்வ DVAC லஞ்ச புகார் WhatsApp எண்ணாக 94981 80936 ஏற்கனவே செயல்பாட்டில் உள்ளது. அரசு அதிகாரிகள் லஞ்சம் கேட்டால் அந்த எண்ணிலும் பொதுமக்கள் புகார் அளிக்கலாம்.
