தமிழ்நாடு சட்டசபையில் சில நாட்களுக்கு முன் நடந்த ஒரு நகைச்சுவையான சம்பவம் உறுப்பினர்களை சிரிப்பில் ஆழ்த்தியது.
திமுக எம்.எல்.ஏ. A.C. வில்வநாதன், வேலூர் மாவட்டம் மாதனூரில் உள்ள புரட்சித் தலைவர் எம்.ஜி.ஆர் அரசு கலை மற்றும் அறிவியல் கல்லூரியில் விளையாட்டு அரங்கம் அமைக்கப்படுமா? என்று உயர்கல்வித்துறை அமைச்சர் பி. விஸ்வநாதனிடம் கேள்வி எழுப்பினார். இது நேரடியாக “ஆம்” அல்லது “இல்லை” என பதிலளிக்கக்கூடிய கேள்வியாக இருந்தது.
ஆனால் அமைச்சர் பதிலளிக்கும்போது, வேலூர் மாவட்டத்தில் உள்ள கல்லூரிகளின் எண்ணிக்கை, அரசு மற்றும் அரசு உதவி பெறும் கல்லூரிகள் உள்ளிட்ட பல விவரங்களை விரிவாக கூறத் தொடங்கினார். பதில் கேள்வியிலிருந்து விலகிச் சென்றதால் அவையில் இருந்த உறுப்பினர்கள் சிரிக்கத் தொடங்கினர்.
சபாநாயகர் J.C.D. பிரபாகர் அமைச்சரை சுருக்கமாக பதிலளிக்குமாறு கேட்டபோதும், அமைச்சர் தனது விளக்கத்தைத் தொடர்ந்தார். இதனால் ஆளுங்கட்சி, எதிர்க்கட்சி இருபுற உறுப்பினர்களிடமும் சிரிப்பலை எழுந்தது.
அப்போது எதிர்க்கட்சித் தலைவர் உதயநிதி ஸ்டாலின்,
“அவசரப்பட்டு யாரும் இனி என்கிட்ட கேள்வி கேட்கக்கூடாதுனு அப்படி சொல்றாரோ…” என்ற வகையில் கிண்டலாக கூறியதால் அவையில் மேலும் சிரிப்பு ஏற்பட்டது.
கடைசியில், சம்பந்தப்பட்ட விளையாட்டு அரங்கத் திட்டம் குறித்து பொதுப்பணித்துறையுடன் ஆலோசித்து நடவடிக்கை எடுக்கப்படும் என தெரிவிக்கப்பட்டது.
