தமிழகத்தில் வானிலை ஆய்வு மையம் வெளியிட்டுள்ள அறிக்கையின் படி, மத்திய வங்கக்கடல் பகுதிகள் முதல் கடலோர கர்நாடகா வரை வளிமண்டல காற்றழுத்த தாழ்வு பாதை நிலவுகிறது. இதன் காரணமாக தமிழகத்தின் பல மாவட்டங்களில் மழை பெய்யும் வாய்ப்பு அதிகரித்துள்ளது.
10-06-2026 அன்று, தமிழகத்தின் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும் என அறிவிக்கப்பட்டுள்ளது. குறிப்பாக சேலம், தர்மபுரி, கிருஷ்ணகிரி, திருப்பத்தூர், வேலூர், ராணிப்பேட்டை, திருவள்ளூர், காஞ்சிபுரம் மற்றும் செங்கல்பட்டு மாவட்டங்களில் மிதமான மழை பெய்ய வாய்ப்பு உள்ளது. மேலும், திருநெல்வேலி மாவட்டத்தின் மலைப்பகுதிகள், தேனி மற்றும் கன்னியாகுமரி மாவட்டங்களில் பலத்த காற்றுடன் கூடிய கனமழை பெய்யக்கூடும்.
11-06-2026 அன்று, தமிழகத்தின் சில இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய மழை பெய்யும். சென்னை, திருவள்ளூர், காஞ்சிபுரம் மற்றும் செங்கல்பட்டு மாவட்டங்களில் மிதமான மழை பெய்ய வாய்ப்பு உள்ளது. அதேபோல், திருநெல்வேலி, கோயம்புத்தூர், கன்னியாகுமரி, நீலகிரி, வேலூர், திருப்பத்தூர், கிருஷ்ணகிரி, தர்மபுரி, ஈரோடு, சேலம், ராணிப்பேட்டை ஆகிய மாவட்டங்களில் கனமழை பெய்யக்கூடும்.
அதிகபட்ச வெப்பநிலை முன்னறிவிப்பில், 10-06-2026 அன்று தமிழகம், புதுவை மற்றும் காரைக்கால் பகுதிகளில் வெப்பநிலையில் குறிப்பிடத்தக்க மாற்றம் இல்லை. ஆனால் 11-06-2026 முதல் 14-06-2026 வரை வெப்பநிலை படிப்படியாக குறையக்கூடும். சில இடங்களில் 2° செல்சியஸ் வரை அதிகமாக இருக்கக்கூடும். வட தமிழகத்தில் அதிக வெப்பம் மற்றும் ஈரப்பதம் காரணமாக வெப்பம் சார்ந்த அசௌகரியம் ஏற்படலாம்.
சென்னை மற்றும் புறநகர் பகுதிகளில் இன்று வானம் மேகமூட்டத்துடன் காணப்படும். மாலை மற்றும் இரவு நேரங்களில் நகரின் ஓரிரு பகுதிகளில் இடி, மின்னலுடன் கூடிய லேசான / மிதமான மழை பெய்ய வாய்ப்பு உள்ளது. அதிகபட்ச வெப்பநிலை 39-40° செல்சியஸ், குறைந்தபட்ச வெப்பநிலை 29-30° செல்சியஸ் இருக்கும். நாளையும் இதேபோல் மேகமூட்டத்துடன், மழை வாய்ப்பு நிலவும்.
இதனால், தமிழகத்தின் பல மாவட்டங்களில் மக்கள் மழை மற்றும் வெப்பநிலை மாற்றத்திற்கான முன்னெச்சரிக்கை நடவடிக்கைகளை மேற்கொள்ள வேண்டியது அவசியம்.
