குஜராத் மாநிலம் ஆமதாபாத் நகரில் உள்ள பட்டாசு தயாரிப்பு ஆலையில் இன்று நிகழ்ந்த பயங்கர வெடிவிபத்தில் சிக்கி 8 தொழிலாளர்கள் உயிரிழந்துள்ளனர்.
விபத்தின் பின்னணி ஆமதாபாத் நகரின் ரமோல்-கத்ராட் சாலையில் செயல்பட்டு வரும் பட்டாசு தயாரிப்பு மற்றும் பதப்படுத்தும் ஆலையில் இன்று எதிர்பாராத விதமாக வெடிவிபத்து ஏற்பட்டது. ஆலையில் இருந்த பட்டாசுகள் மற்றும் வெடிபொருட்கள் அடுத்தடுத்து வெடித்ததால், தீ மளமளவென ஆலையின் மற்ற பகுதிகளுக்கும் பரவியது. இதனால் பெரும் சேதம் ஏற்பட்டது.
மீட்புப் பணிகள் தகவலறிந்து விரைந்து வந்த தீயணைப்புத் துறையினர் மற்றும் அதிரடி விரைவுப் படையினர் (Rapid Action Force) நீண்ட நேரம் போராடித் தீயைக் கட்டுக்குள் கொண்டு வந்தனர். விபத்தில் சிக்கி உயிரிழந்த 8 பேரின் உடல்களையும் மீட்டனர். மேலும், காயமடைந்த 10 தொழிலாளர்கள் மீட்கப்பட்டு, சிகிச்சைக்காக உடனடியாக அருகிலுள்ள மருத்துவமனைக்கு அனுப்பி வைக்கப்பட்டனர். விபத்து குறித்து காவல்துறை வழக்குப்பதிவு செய்து விசாரணை நடத்தி வருகிறது.
